ट्रेन्डिङ:
पुस १२ मा नेपालकै ठूलो स्टार्टअप प्रदर्शनी हुने, प्रवेश निःशूल्क नेपाली टिम हाइ भोल्टेज बन्यो पब्जी मोबाइल प्रो लिग साउथ एसिया फलको विजेता बजेट ०७७/७८- अनलाइनबाटै ड्राइभिङ लाइसेन्स, सवारीमा जीपीएस ट्र्याकिङ युट्युबमा फोरके भिडिओ हेर्न पैसा तिर्नुपर्ने ! तातो खाना फ्रिजमा राख्दा के हुन्छ ? यसकारण ढिलो चार्ज हुन्छ मोबाइल, कतै तपाईंले गल्ती त गरिरहनु भएको छैन ? फोनमा राखेको प्याटर्न बिर्सनुभयो ? यस्तो छ अनलक गर्ने सहज तरिका यसकारण ढिलो चार्ज हुन्छ मोबाइल, कतै तपाईंले गल्ती त गरिरहनु भएको छैन ? आफ्नो स्थानीय तहको मोबाइल एप डाउनलोड गर्नुभयो त ? गोपनीयताका लागि ब्लकचेन प्रविधिमा आधारित मेसेजिङ एप 'विस्पर'
close

पुस १२ मा नेपालकै ठूलो स्टार्टअप प्रदर्शनी हुने, प्रवेश निःशूल्क

टेकपाना टेकपाना

पुस ३, २०७६

पुस १२ मा नेपालकै ठूलो स्टार्टअप प्रदर्शनी हुने, प्रवेश निःशूल्क

आगामी १२ पुसमा सूचना प्रविधि सम्बन्धि प्रदर्शनी ‘जिबिजि बिजफेस्ट’ र ‘जिबिजि बिजस्टार्ट’ हुने भएको छ । गुगल बिजनेस ग्रुपको आयोजनामा आगामी ललितपुरको जावलाखेल स्थित डीएभी स्कुल परीसरमा नेपालकै ठूलो प्रविधि तथा स्टार्टअपको प्रदर्शनी हुने भएको हो ।

नेपालमा क्लाउड कम्प्युटिङ सम्बन्धि काम गर्ने कम्पनी जेनेस सफ्टवेयर सोलुसनसँगको मुख्य सहकार्यमा हुने प्रदर्शनीमा देशभरबाट दुई सयभन्दा बढी नवउद्यमी तथा स्टार्टअपहरू सहभागी गराउने आयोजकको लक्ष छ । यसबाट स्टार्टअप कम्पनीहरुको व्यवसाय प्रवर्धनमा सघाउ पुग्ने अपेक्षा समेत गरिएको छ ।

बिजस्टार्ट नाम दिइएको विशेष कार्यशालामा नेपालका स्टार्टअपका संस्थापकहरूले विशेषज्ञहरू मार्फत आफ्नो व्यवसायमा उपयोगी हुने गुगलका विभिन्न व्यापारिक प्रविधिहरु सहज रुपमा सिक्न तथा त्यसको प्रयोग मार्फत आफ्नोे व्यवसाय विस्तार गर्न सक्नेछन् ।

बिजफेस्ट विश्वका विभिन्न देशहरुमा वार्षिक रुपमा आयोजना हुने कार्यक्रम हो । आयोजक बिजनेस ग्रुप काठमाडौंका प्रवन्धक अमित अग्रवाल देशभरका स्टार्टअपहरुलाई एकै स्थानमा ल्याउने गरी कार्यक्रमको आयोजना गर्न पाउँदा अत्यन्तै उत्साहित रहेको बताए । ‘नेपालमा स्टार्टअपको क्रम भर्खरै मात्र सुरु भएको छ,’ उनले भने, ‘समाजमा विद्यमान विभिन्न चुनौतीमै अवसर देखेर समाधानको रुपमा स्टार्टअपहरु सुरु भइरहेका छन् ।’

स्टार्टअपहरुसँग महँगो प्रदर्शनी हलमा आफ्ना सेवाको प्रचार गर्ने क्षमता र स्रोतसाधन नहुने भन्दै अग्रवालले उनीहरुलाई निःशुल्क प्रदर्शनीको मौका दिन बिजस्टार्टको आयोजना गरिएको बताए । ‘यसबाट उनीहरु संभावित ग्राहकसँग जोडिने अवसर समेत प्राप्त गर्ने विश्वास हामीले लिएका छौँ,’ उनले भने ।

मेलामा देशभरबाट सहभागी स्टार्टअपहरूले आफ्नो उत्पादन र सेवाहरुको प्रदर्शन गर्नेछन् । कार्यक्रममा गुगलका प्रविधिमा चासो राख्ने तथा स्टार्टअप गर्न चाहने दश हजार भन्दाबढीले मेलाको अवलोकन गर्ने अपेक्षा आयोजकले राखेको छ ।

धेरै भन्दा धेरै स्टार्टअपहरु सहभागी गराउन प्रदर्शनीमा स्टल बुकिङ र सर्वसाधारणको प्रवेश निःशुल्क गरिएको छ । अवलोकनकर्ताले देशभरका स्टार्टअपलाई एकै थलोमा देख्ने र बुझ्ने मौका पाउनेछन् ।

मेलामा ’गुगल माई बिजनेस’ सम्बन्धि एउटा विशेष स्टल रहने छ । प्रदर्शनीमा सहभागि स्टार्टअपहरूले उक्त स्टल मार्फत आफूलाई गुगलको व्यापार निर्देशिका (गुगल बिजनेस डाइरेक्टरी) मा आवद्ध गराउन सक्नेछन् ।

त्यसबाट उनीहरुका लक्षित ग्राहकहरूले व्यवसाय र त्यसको विवरणहरू थाहा पाउन सक्नेछन् । यसका साथै उक्त व्यबसायहरु गुगल सर्च रिजल्ट पेजको पहिलो पृष्ठमा देखा पर्ने सम्भावना बढ्नेछ ।

कार्यक्रमले स्टार्टअपहरुको विकास र प्रवर्धनमा टेवा पुर्याउने आयोजकको विश्वास छ । १२० स्टार्टअपको सहभागिता रहेको गत वर्षको प्रदर्शनी पाँच हजारभन्दा बढीले अवलोकन गरेका थिए ।