२०७९, १ भाद्र बुधबार   |  
Wednesday 17th August 2022

भारतमा इन्टरनेट बन्द हुदा हरेक घन्टा चार करोड गुम्दै

भारतमा जारी आन्दोलनका कारण सरकारले विभिन्न ठाउँमा ईन्टरनेट बन्द गराउदा अर्थतन्त्रमा हरेक घन्टा करिब ४ करोड रुपैयाँ गुमाउनुपरेको छ । भारतीय मोबाइल सेवा प्रदायकको संस्था सेलुलर अपरेटर्स एसोसिएसन अफ इन्डिया (सीओएआई) ले इन्टरनेट सेवा बन्द गराउने निर्णयले ठूलो क्षति भएको पत्र सरकारलाई लेखेको हो ।

आर्थिक वृद्धिदरमा पनि गिरावट बेहोरिरहेको भारतलाई यो निर्णयले थप संकटमा पारेको छ । सिओएआईका अनुसार इन्टरनेटमा आधारित सेवा बढ्दै गएको तर इन्टरनेट बन्द गराउने निर्णयले गर्दा सन् २०१९ को अवधिभर अर्थतन्त्रले हरेक घन्टा ४ करोडको आम्दानी गिरावटको समस्या भोग्नुपरेको हो ।

सिओएआईका सचिव राजन म्याथ्युले आन्दोलन हुनासाथ इन्टरनेट बन्द गराउने सरकारको नीतिले अर्थतन्त्रमा पुगेको क्षतिबारे ध्यान नदिएको बताए । सरकारले इन्टरनेट बन्द गराउँदाको क्षति मूल्याकंन गर्नुपर्ने उनको सुझाव छ । कस्मिर आन्दोलनपछि भारतले इन्टरनेट बन्द गराउने काम सुरु गरेको थियो । त्यसयता यो वर्षभर मात्रै एक सयओटा त्यस्ता निर्णय भएको सिओएआईले जनाएको छ ।

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team