ट्रेन्डिङ:
सुरु भयो नेपालकै ठूलो स्टार्टअप प्रदर्शनी ‘जीबीजी बिजफेस्ट’ फोन पेको दशैं योजना, दैनिक एक लाख र बम्परमा पाँच लाख जित्न सकिने नेपालमै पहिलोपटक आईटी ओलम्पियाड हुँदै ग्लोबलमा खाता खोल्दा डेटासहितको सिमकार्ड सित्तैमा अब सेलपेका ग्राहकले समेत फोनपेको क्यूआरमार्फत भुक्तानी गर्न सक्ने मोबाइलमा वाईफाई स्लो चल्छ ? यसो गर्नुहोस् कस्तो छ ग्लोबल आईएमई बैंकको नयाँ मोबाइल बैंकिङ एप ? क्रोम, एज लगायतका ब्राउजरमा फेला पर्‍यो नयाँ भाइरस, दैनिक ३० हजार डिभाइसमा आक्रमण गर्दै लुम्बिनी, कर्णाली र सुदूरपश्चिम प्रदेशमा नेटवर्क विस्तार गर्दै भायानेट ६०० मेगापिक्सेल क्यामेरा भएको फोन बनाउँदै सामसङ
close

सुरु भयो नेपालकै ठूलो स्टार्टअप प्रदर्शनी ‘जीबीजी बिजफेस्ट’

टेकपाना टेकपाना

पुस १२, २०७६

सुरु भयो नेपालकै ठूलो स्टार्टअप प्रदर्शनी ‘जीबीजी बिजफेस्ट’

सूचना प्रविधि व्यवसायीहरूको समुह गुगल बिजनेस ग्रुप काठमाडौंको आयोजनामा स्टार्टअप प्रदर्शनी जीबीजी बिजफेस्ट एन्ड बिजस्टार्ट २०१९ सुरु भएको छ । ललितपुर स्थित डीएभी स्कुल परीसरमा आयोजना भइरहेको एक दिने प्रदर्शनीमा नेपालभरबाट २१० स्टार्टअपहरुको सहभागिता रहेको छ ।

नेपालमा गत वर्षदेखि आायोजना हुन थालेको यो कार्यक्रमको दोस्रो संस्करण हो । क्लाउड कम्प्युटिङ सम्बन्धि कम्पनी जेनेस सफ्टवेयर सोलुसनसँगको सहकार्यमा देशभरबाट नवउद्यमीहरु र स्टार्टअप संस्थापकहरूलाई एउटै प्लेटफर्ममा ल्याउने र प्रवर्धन गर्ने उद्देश्यका साथ प्रदर्शनी आयोजना गरिएको हो ।

स्टार्टअप प्रदर्शनीमा विशेष कार्यशालाहरु पनि संचालन भइरहेका छन् । जसमा नेपालका स्टार्टअप संस्थापकहरूले विशेषज्ञहरूबाट आफ्नो व्यवसायमा उपयोगी हुने गुगलका विभिन्न व्यापार प्रविधिहरु सिक्ने र त्यसको प्रयोग मार्फत आफ्नोे व्यवसाय विस्तार गर्ने अवसर पाउने अपेक्षा गरिएको छ ।

मेलाको आयोजककाे रुपमा रहेको गुगल बिजनेस ग्रुप काठमाडौंका प्रवन्धक अमित अग्रवालले नेपाली समाजमा विद्यमान विभिन्न चुनौतीमै अवसर देखेर तिनै समस्या समाधान गर्न स्थापना भएका स्टार्टअपहरु सुरु गर्ने परिपाटीको बढिरहेको बताए । तर, धेरैलाई स्टार्टअप भनेको के हो र के–कस्ता स्टार्टअप कम्पनीहरु नेपाली बजारमा आएका छन् र तिनीहरुले के–के काम गर्छन भन्ने जानकारी छैन ।

त्यसैले नेपाली स्टार्टअपका समस्याहरुलाई मध्यनजर गरी सबैलाई एकै ठाउँमा ल्याउने गरी निःशुल्क प्रदर्शनी आयोजा गरिएको अग्रवालको भनाई छ । ‘यसबाट उनीहरुलाई संभावित ग्राहकसँग जोडिने अवसर पनि मिल्नेछ,’ उनले भने । कार्यक्रममा गुगलका प्रविधिमा चासो राख्ने र स्टार्टअप गर्न इच्छुक दशहजार भन्दा बढी अवलोकनकर्ताको सहभागिता रहने आयोजकको विश्वास छ ।