close

एनसेलको खातामा २७ अर्ब नगद, साढे चार अर्बले बढ्यो खुद सम्पत्ती

टेकपाना टेकपाना

असोज १, २०७६

एनसेलको खातामा २७ अर्ब नगद, साढे चार अर्बले बढ्यो खुद सम्पत्ती

एनसेलको प्यारेन्ट कम्पनी आजियाटाले सन् २०१९ को दोस्रो चौमासिकको आर्थिक प्रतिवेदन सार्वजनिक गरेको छ । आजियाटाले सार्वजनिक गरेको उक्त वार्षिक प्रतिवेदनका अनुसार एनसेलको खातामा २७ अर्ब ३६ करोडको रहेको देखिएको छ ।

पहिलो चौमासिकमा २४ अर्ब ७८ करोड खातामा रहेको एनसेलले पछिल्लो तीन महिनाको अवधिमा झन्डै तीन अर्ब थप गरेको छ । सोही अवधिमा एनसेलको खुद सम्पत्ती पनि उल्लेख्यरुपमा वृद्धि भएको देखिएको छ ।

पहिलो चौमासिकमा ७७ अर्ब ९९ करोड खुद सम्पत्ती रहेकोमा दोस्रो त्रैमासिकमा आइपुग्दा त्यसमा झन्डै साढे चार अर्बले बढेको पाइएको छ । यस चौमासिकमा एनसेलको खुद सम्पत्ती ८२ अर्ब ४३ करोड भन्दा बढी रहेको उल्लेख गरिएको छ ।