२०७९, ३१ श्रावण मंगलबार   |  
Tuesday 16th August 2022

चिनियाँ प्लान्टबाट अमेरिका सर्दै एप्पल, म्याकप्राेकाे उत्पादन अमेरिकामै हुने

महिनौँको पुर्वानुमानका बीच अन्तत: एप्पलले आफ्नो म्याक प्रोको पछिल्लो भर्सन अमेरिकामै उत्पादन गर्ने भएको छ । गत जुनमा वालस्ट्रिट जर्नलले एप्पलले बहुप्रतिक्षित हाइइन्ड डेक्सटपको उत्पादन सांघाई बाहिरको प्लान्टबाट गर्ने भन्दै एक रिपोर्ट प्रकाशित गरेको थियो ।


एप्पलका सीईओ टिम कूकले एक प्रेस विज्ञप्तिमा भनेका छन् ‘अमेरिकनको आविष्कार शक्तिमा हामीलाई गहीरो विश्वास छ । त्यसैले एप्पलका हरेक उत्पादनको डिजाइन तथा इन्जिनियरिङ अमेरिकामै हुन्छ र ३६ राज्यमा यसका उपकरण तयार हुन्छन् । ४ लाख ५० हजार अमेरिकी रोजगारी सृजना गर्दै हामी निरन्तर अगाडि बढिरहेका छौँ ।’


एप्पलले सन् २०२३ सम्म अमेरिकामा ३५० अर्ब अमेरिकी डलर अर्थात ३ सय ८० खर्ब रुपैयाँभन्दा बढी लगानी गर्ने प्रतिवद्धता यस अघि नै जनाइसकेको छ । म्याक प्रो अमेरिकामै उत्पादन गर्ने एप्पलको तयारीलाई सोही घोषणाको अङ्गको रुपमा हेरिएको ।


चीनमा निर्मित एप्पलका उत्पादनमा कुनै पनि किसिमको कर छूट नरहेको अवस्थामा राष्ट्रपती डोनाल्ड ट्रम्पले अमेरिकामै उत्पादन गरे कुनै पनि किसिमको कर नलगाउने भन्दै गत जुलाईमा ट्वीट गरेका थिए ।

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team