ट्रेन्डिङ:
बुधबारदेखि ३२ जिल्लामा टेलिकमको फोरजी सुरु हुँदै, डेढ जीबीसम्म डाटा बोनस आईफोन १४ सिरिजको माग घट्दा उत्पादन बढाउने योजनाबाट पछि हट्यो एप्पल नेटफ्लिक्स, अमेजन जस्ता कम्पनीले इन्टरनेट डेटा खपतको लागत टेलिकम कम्पनीलाई तिर्नुपर्ने ! राष्ट्रिय आविष्कार केन्द्रले पायो कृषि औजार कारखाना सञ्चालनको जिम्मा सूचना तथा सञ्चार प्रविधि न्यून प्रभावित क्षेत्रमा, सरकारले ५ करोडसम्म कर्जा दिने कस्तो छ ग्लोबल आईएमई बैंकको नयाँ मोबाइल बैंकिङ एप ? दुई महिनामा नेपाल भित्रिए ७ करोड मूल्यका स्मार्टवाच विद्यार्थीलाई सीप सिकाउन इन्फोडेभलपर्सले ल्यायो ‘क्लिक टु करिअर’ ब्लक भएका वेबसाइट हेर्ने ५ तरिका कम्प्युटरमा झुक्किएर पनि कहिल्यै नगर्नुहोस् यस्ता ७ गल्ती
close

बुधबारदेखि ३२ जिल्लामा टेलिकमको फोरजी सुरु हुँदै, डेढ जीबीसम्म डाटा बोनस

टेकपाना टेकपाना

असोज १४, २०७६

बुधबारदेखि ३२ जिल्लामा टेलिकमको फोरजी सुरु हुँदै, डेढ जीबीसम्म डाटा बोनस

फोरजी–एलटीई सेवाको नेटवर्क देशभर सातै प्रदेशका प्रमुख शहरहरुमा विस्तार गरेको नेपाल टेलिकमले बुधबारदेखि सेवाको औपचारिक सुरुवात गर्ने भएको छ । प्रधानमन्त्री के पी शर्मा ओलीले सेवाको सफ्ट लन्चमार्फत औपचारिक शुरुवात गर्ने कार्यक्रम तय गरिएको छ ।

हाल यो सेवा सातै प्रदेशका कुल ३२ जिल्लाका प्रमुख शहरमा विस्तार गरिएको कम्पनीले जनाएको छ । फोरजी सेवाको सुरुवातसँगै उच्च गतिको इन्टरनेट सेवामार्फत भिडियो लगायतका नवीनतम सेवाहरुको प्रवाह पनि सहज हुने बताइको छ । मुलुकभर नै फोरजी सेवा उपलब्ध भएपछि उच्च गतिको मोबाइल ब्रोडव्याण्डमार्फत, श्रव्यदृश्य तथा विद्युतीय माध्यमबाट शिक्षा, स्वास्थ्य, सामाजिक सेवाहरु र मनोरञ्जन लगायत विविध सेवा प्रवाहमा वृहत् सुधार हुने अपेक्षा टेलिकमले गरेको छ ।

कम्पनीका अनुसार विस्तारित फोरजी तथा एलटीई सेवा एलटीई एड्भान्स प्रविधिमा आधारित हुने भएकाले केही स्थानमा भविष्यमा ल्याइने फाइभजी सेवाको पनि प्रारम्भिक परीक्षण सञ्चालन गर्न सकिने छ । हाल सञ्चालनमा ल्याइएको नयाँ फोरजी–एलटीई सेवा विद्यमान मोबाइल सेवाको स्तरोन्नति मात्र नभएर उच्च क्षमताको र सबै वस्तीहरुमा सेवा पुर्‍याउने गरी संरचना तयार गरिएकाले दीर्घकालसम्म कम्पनीको सेवा विस्तारका लागि समेत महत्वपूर्ण पूर्वाधार सावित हुनेछ ।

नेपाल टेलिकमले १७ पुस २०७३ मा नेपालमै पहिलो पटक काठमाडौं र पोखराबाट फोरजी÷एलटीई सेवाको शुरुवात गरेको थियो । यस सेवाको विस्तारका क्रममा देशभर सातै प्रदेशमा सेवा सञ्चालनका लागि गत २० माघ २०७५ मा तीन वटा सम्झौता गरेको थियो । जसमध्ये कोर नेटवर्कका लागि चीनको जेडटीई कर्पोरेसन तथा नेटवर्क १ र नेटवर्क २ का लागि हङकङको सीसीएसआईले ठेक्का पाएका थिए ।

कम्पनीले आगामी माघसम्ममा देशभर फोरजी नेटवर्क विस्तार गर्ने लक्ष्यका साथ काम गरिरहेको छ । सोही लक्षअनुसार नै तदारुकताका साथ सेवा पुर्वाधार विस्तार भइरहेको र सो अनुसार हालसम्म देशका सातै प्रदेशमा सो सेवाको नेटवर्क पुगिसकेको छ ।

फोरजी सुरुवातको अवसरमा डेढ जीबीसम्म डाटा

कम्पनीले सातै प्रदेशमा फोरजी÷एलटीई सेवाको सुरुवातको अवसरमा फोरजी सेवा प्रयोग गर्ने ग्राहकहरुका लागि आकर्षक इन्टरनेट प्याकेज समेत प्रदान गर्ने निर्णय गरेको छ । जसअनुसार यसअघि नै मोबाइलका उपभोक्ताहरुलाई प्रदान गरिएका केही अल टाइम डाटा अफरमा शत प्रतिशत डाटा भोल्युम थप गरी साविकको मूल्यमै प्रदान गरिनेछ ।

यसअघि जम्मा २५ रुपैयाँमा दुई सय एमबी डाटा प्रदान गरिरहेकोमा फोरजी एलटीई सेवाका ग्राहकहरुलाई सोही दरमा दुई सय एमबी थप गरी जम्मा चार सय एमबी डाटा उपलब्ध गराइने छ । यो प्याकेज लिएको २४ घण्टासम्मा प्रयोग गर्न सकिनेछ ।

यसैगरी एक सय रुपैयाँमा सात दिनसम्म प्रयोग गर्न सकिने हाल उपलब्ध भइरहेको पाँच सय एमबी डाटा प्याकेज फोरजी एलटीइका सेवाग्राहीलाई थप पाँच सय एमबी डाटा बोनसस्वरुप प्राप्त हुनेछ । यसको प्रयोग सात दिनसम्म गर्न सकिनेछ । साथै २८ दिनसम्म प्रयोगमा ल्याउन सकिने दुई सय ४० रुपैयाँमा उपलब्ध डेढ जिबी डाटा प्याकेज फोरजी एलटीई मोबाइल प्रयोगकर्ताले सोही मूल्यमा ३ जिबी डाटा पाउनेछन् । यी तीनवटै डाटा प्याकेजहरु एनटी फोरजी एलटीइ अफरका रुपमा कम्पनीका फोरजी ग्राहकहरुले १५ असोज २०७६ देखि अर्को सूचना जारी नभएसम्म प्रयोग गर्न सक्ने टेलिकमले जनाएको छ ।