ट्रेन्डिङ:
थाहा पाइराख्नुहोस् मोबाइलको चार्जरमा हुने सङ्केत र तिनको अर्थ होटल चेन ओयोको कुल सम्पत्ति १० खर्ब नाघ्यो यी १० कारणले ल्यापटपभन्दा डेस्कटप राम्रो स्मार्टफोनमा जीपीएसको साटो आफ्नै स्वदेशी नेभिगेसन प्रणाली लागू गर्न बाध्य पार्दै भारत नेपाल टेलिकमको ई-सिमबारे जान्नैपर्ने ६ कुरा लुम्बिनीमा गुड्न थाले विद्युतीय गाडी, दशैं अवधिभर निःशुल्क यात्रा गर्न सकिने दूरसञ्चार सेवाप्रदायक आपसमा गाभिन सक्ने, प्राधिकरणबाट पारित भयो नियमावली सरकारी मोबाइल एप : खर्च लाखौं, परिणाम शुन्य अनलाइनमा यसरी आफैं बनाउनुहोस् आकर्षक शुभकामना कार्ड आईफोन १४ सिरिजको माग घट्दा उत्पादन बढाउने योजनाबाट पछि हट्यो एप्पल
close

होटल चेन ओयोको कुल सम्पत्ति १० खर्ब नाघ्यो

टेकपाना टेकपाना

असोज २६, २०७६

होटल चेन ओयोको कुल सम्पत्ति १० खर्ब नाघ्यो

भारतको सबैभन्दा ठुलो होटल चेन ओयोका संस्थापक रितेश अग्रवालले आफ्नो कम्पनीमा २ खर्ब भन्दा बढी लगानी थप गर्दै छन् । उनले व्यापारमा आफ्नो हिस्सेदारी बढाएर भारतको दोस्रो सबैभन्दा मूल्यवान स्टार्टअप कम्पनीको रुपमा स्थापित गर्दैछन् । यससँगै नेपालमा समेत आफ्नो सेवा विस्तार गरेको ओयोको कुल सम्पत्ति १० खर्ब नाघेको छ ।

कम्पनीको नयाँ लगानी जुटाउने योजना पनि बनाएको छ । जसमा १ खर्ब ५० अर्बभन्दा बढी लगानी संस्थापकबाट संकलन गरिनेछ । जसमा संस्थापक अग्रवालले मात्रै झन्डै ८० अर्ब नेपाली रुपैंया ओयोमा लगानी गर्ने जनाइएको छ । त्यसबाहेकको लगानी जापानको सफ्ट बैंक र अन्य संस्थापकहरुले गर्ने उल्लेख छ । साथै अग्रवालले सुरुवाती लगानीकर्ताको रुपमा रहेको लाइटस्पिड भेन्चर पार्टनर र सेक्वाइया क्यापिटलबाट १ खर्ब ३० अर्ब भन्दा बढी मूल्य बराबरको शेयर खरिद गर्ने जनाइएको छ । त्यसका लागि बैंक तथा वित्तीय संस्थाबाट सहयोग लिने कम्पनीको योजना छ ।

सन् २०१३ बाट अग्रवालले ओयो सञ्चालनमा ल्याएका थिए । उनले भारतमा रहेका बजेट स्तरका होटलसँगको सहकार्यमा त्यसको सुरुवात गरेका थिए । उनले शुल्क र आम्दानीको साझेदारीमा त्यस्ता होटलको रि–ब्राण्डीङ र पुनः संरचनामा काम गरेका थिए । जुन छोटो समयमा भारतको होटल उद्योगमा प्रमुख खेलाडीको रुपमा स्थापित भयो । जसले आफ्नो सेवा नेपाल लगायत आधा दर्जन भन्दा बढी देशमा गरिसकेको छ । अझ त्यसलाई विश्वव्यापी गर्नकालागि नयाँ लगानी थप गर्ने योजनामा ओयो रहेको छ । ‌ओयोले आफ्नो चेनमा रहेका होटेलको अनलाइन बुकिङ्ग सुविधा समेत दिँदै आएको छ ।

नयाँ लगानी सँगै अग्रवालको ओयोयमा ३० प्रतिशत शेयर हुनेछ । भने आयोको कुल सम्पत्ति १० खर्ब भन्दा बढी पुग्नेछ । जसले ओयोलाई भारतको दोस्रो ठुलो स्टार्टअप कम्पनीको रुपमा स्थापित गर्नेछ । जुन डिजिटल पेमेन्ट कम्पनी पेटीएम पछि हो । पेटिएमको सम्पत्ति १५ खर्बको हाराहारीमा रहेको छ ।