close

एक सय ८६ देशका रोबोटसँग प्रतिस्पर्धा गर्दै नेपाली रोबोट

टेकपाना टेकपाना

कात्तिक ७, २०७६

एक सय ८६ देशका रोबोटसँग प्रतिस्पर्धा गर्दै नेपाली रोबोट

अन्तरराष्ट्रिय रोबोट ओलम्पिक्समा नेपाली टोलीले पनि सहभागीता जनाउने भएको छ । फस्ट ग्लोबल इन्टरनेशनलले दुबईमा आयोजना गर्न लागेको अन्तराष्ट्रिय रोबोट ओलम्पिक्समा नेपालबाट युएआरसी–१ टिमले भाग लिने भएको हो ।

प्रतियोगिताका लागि रोबोटिक्स एशोसिएसन अफ नेपालको सहकार्यमा युएआरसी–१ टिम प्रतिस्पर्धामा जान लागेको छ । युएआरसी–१ यन्त्र ७.० बिजयी टिम हो । उक्त टिममा शिशिर सुबेदी, श्रीजन घिमिरे, प्रवीनबहादुर थापा, सार्थक सेन, आदित्य ढुंगाना, उमंग रेग्मी रहेका छन् । उनीहरु सबै १५ देखि १८ वर्ष उमेरका छन् ।

६ जनाको उक्त टोली बुधबार दुबईतर्फ प्रस्तान गरिसकेको छ । आजबाट कात्तिक १० गते सम्म आयोजना हुने उक्त कार्यक्रममा एक सय ८६ राष्ट्रका प्रतिस्पर्धिको सहभागीता रहने छ । एक सय ८६ देशबाट आएका रोबोटसँग नेपाली रोबोटले प्रतिस्पार्धा गर्ने जनाइएको छ ।

नेपाली टोलिले प्रतिस्पर्धाको लागि आवश्यक रोबोट १५ दिन अघि नै तयार गरिसेको थियो । सम्पूर्ण परिक्षण सम्पन्न गरी टोलि प्रतिस्पर्धाको लागि प्रस्थान गरेको रोबोटिक्स एशोसिएसन अफ नेपालले जनाएको छ ।