ट्रेन्डिङ:
तिहारमा एनसेलको फोरजी डेटा तीन सय प्रतिशत सस्तो पब्जी जस्तै रोयल ब्याटल गेम, जुन थोरै स्पेस भएका मोबाइलमा खेल्न सकिन्छ फोल्डेबल स्मार्टफोन सार्वजनिक गर्ने तयारीमा भिभो ३५ सयले लिए टेलिकमकाे ई-सिम कस्तो छ ग्लोबल आईएमई बैंकको नयाँ मोबाइल बैंकिङ एप ? यस्तो छ टेलिकम कम्पनीको दशैं अफर जीआईएस र रिमोट सेन्सिङ विषयमा तालिम दिँदै आविष्कार केन्द्र, यसरी हुनुहोस् सहभागी युट्युबको पार्टनर प्रोग्राममा पर्‍यो नेपाल, मनिटाइज गर्न सजिलो हुने फोरजीका लागि थप फ्रिक्वेन्सी उपलब्ध गराउँदै प्राधिकरण जीआईएस र रिमोट सेन्सिङ विषयमा तालिम दिँदै आविष्कार केन्द्र, यसरी हुनुहोस् सहभागी
close

तिहारमा एनसेलको फोरजी डेटा तीन सय प्रतिशत सस्तो

टेकपाना टेकपाना

कात्तिक ७, २०७६

तिहारमा एनसेलको फोरजी डेटा तीन सय प्रतिशत सस्तो

मोबाइल सेवा प्रदायक कम्पनी एनसेल प्राईभेट लिमिटेडले तिहार र छठ पर्वको अवसारमा आफ्ना ग्राहकका लागि फोरजी डेटामा बोनस दिने भएको छ । यस योजना अन्तर्गत सामान्य अवस्थाको तुलनामा ग्राहकले तीन सय प्रतिशत सस्तो मूल्यमा डाटा प्रयोग गर्न सक्नेछन् ।

अफर अन्तर्गत एक दिन समयावधि भएको ७५ एमबी डेटा र सात दिनको समयावधि भएको पाँच सय एमबीको डेटा प्याक खरिद गर्ने ग्राकहले चार गुणा बढी डेटा भोल्युम पाउनेछन् । एनसेलका अनुसार यो अफर बिहीबारबाट लागु भई १५ दिन सम्मका लागि सञ्चालनमा रहने छ ।

कर बाहेक १५ (कर सहित १९.१५) रुपैयाँ शुल्क रहेको ७५ एमबी प्याकको खरिदमा ग्राहकले दुई सय २५ एमबी थप फोरजी डेटा पाउनेछन् । यसको मतलब ग्राहकले कुल तीन सय एमबी डेटा पाउनेछन् । त्यसैगरी कर बाहेक ७५ (कर सहित ९५.७७) रुपैयाँ शुल्कमा आउने पाँच सय एमबीको खरिदमा थप १५ सय एमबी फोरजी डेटा बोनस स्वरुप पाउनेछन् । यसरी कुल दुई हजार एमबी डेटा पाउन सक्ने एनसेलले जनाएको छ ।

ग्राहकले * ७१२३ * ४४# डायल गरी वा एनसेल एपबाट यो अफर एक्टिभेट गर्न सक्छन् । यस अफर अन्तर्गत पाईने बोनस डेटा भोल्युम ग्राहकले फोरजी चल्ने मोबाइल सेट र सिम प्रयोग गरी फोरजी नेटवर्क संचालनमा रहेका स्थानहरुमा चलाउन सकिने छ ।

चाडपर्वको अवसरमा सञ्चालनमा ल्याइएको यस अफरले ग्राहकलाई थप सुविधा प्रदान गर्ने र आफन्त, परिवारजन र साथीभाईबीच सम्पर्कमा रहि रहन, शुभकामना आदानप्रदान तथा खुसी साटासाट गर्न मद्द पुर्याउने विश्वास एनसेलले लिएको छ ।

यस अफरबाट फाइदा लिन फोरजी सिम नभएका ग्राहकले एनसेल सेन्टरमा गई आफ्नो सिमलाई फोरजी सिम अर्थात युसिमसँग साट्न सक्नेछन् । यसको लागि एक रुपैयाँ शुल्क लाग्छ । यस प्रक्रिया मार्फत युसिम लिने ग्राहकले सात दिनको समयसिमा रहेको एक जिबी डेटा पनि पाउनेछन् ।

यो डेटा दिनको समयमा अर्थात बिहान ५ देखि साँझ ५ बजेको समयमा प्रयोग गर्न सकिने छ । युसिम लिएपछि ग्राहकले *३२४# डायल गरि फोरजी सेवाको फाईदा लिन सक्ने एनसेलले जनाएको छ ।