२०७९, २४ श्रावण मंगलबार   |  
Tuesday 9th August 2022

४५ हजार एन्ड्रोइड मोबाइलमा हटाउनै नसकिने भाइरस, आफू जोगिन सावधान रहनुस्

हटाउदा समेत आफै रिइन्स्टल हुने नयाँ एन्डोइड भाइरस (मालवेयर) बाट ४५ हजार एन्ड्रोइड मोबाइलहरू संक्रमित भएको पाइएको छ । साइबर सुरक्षाको क्षेत्रमा काम गर्ने कम्पनी साइमनटेकले सार्वजनिक गरेको तथ्यले पछिल्लो ६ महिनामा यो भाइरस डरलाग्दो रुपमा फैलिएको देखाएको हो । 

गत मे महिनामा मालवेयरबाइट्सले समेत यस्तै समान किसिमको खुलासा गरेको थियो । एक्सहेल्पर नामक ट्रोजन (भाइरस सफ्टवेयर) का कारण प्रभावित हुनेहरूमा धेरैजसो भारत, अमेरिका र रुसका  प्रयोगकर्ताहरू रहेका छन् । 

प्रयोगकर्ता स्वयमले अनइन्स्टल गर्दा वा फोन नै फ्याक्ट्री रिसेट गर्दा समेत यो भाइरस लगातार रुपमा डाउनलोड हुनेगरेकाे छ । स्क्रिनमा एप आइकन तथा सर्टकट आइकन समेत नदेखिने गरी एक्सहेल्पर  पृष्टभुमिमा चुपचाप चलिरहेकाे हुन्छ । संक्रमित मोबाइलको सेटिङमा रहेकाे एप इन्फो खण्डमा मात्रै यसको संकेत देखिने गरेको छ ।

यसले गर्दा डिभाइसमा पावर सप्लाई कनेक्टिङ तथा डिस्कनेक्टिङ गर्ने, रिबुटिङ गर्ने, कुनै एपलाई इन्स्टल तथा अनइन्स्टल गर्ने लगायतका समस्याहरू देखा पर्ने गरेका छन् । ‘अ सर्ज इन डिटेक्सन’ नामक साइमनटेकको अनुसन्धानले यो जोखिमपुर्ण एन्डोइड भाइरसले प्रयोगकर्ताहरूबाट समेत आफूलाई लुकाउने गरेकाे, अन्य जोखिमयुक्त एपहरूलाई डाउनलोड गरिदिने र त्यसबाट विज्ञापन देखाउनेगरेको तथ्य समेत बाहिर ल्याएको छ । 

पछिल्लो एक महिनामा मात्रै प्रत्येक दिन औषत एक सय ३१ डिभाइस संक्रमित भएको तथा नियमित रुपमा गरी महिनाभरमा दुई हजार चार सय मोबाइल डभाइस प्रभावित भएकाे जनाइएको छ । मालवेयरबाइटको खुलासाका क्रममा ३३ हजार फोन प्रभावित रहेकोमा त्यसयताकाे दुई महिनामा थप तीब्र रुपमा भाइरसबाट संक्रमण फलिएको छ । 

भाइरसको उदय नै रहश्यमी

एक्सहेल्परसँग जोडिएको हानिकारक भाइरसको वास्तविक उदयकाे सन्दर्भमा एकदमै शक्रियताका साथ अनुसन्धानहरू भइरहेका छन् । साइमनटेकले प्रयोगकर्ताहरूले अज्ञात श्रोतहरूबाट जोखिम युक्त एप डाउन गर्ने क्रममा भाइरस संक्रमित भएको हुनसक्ने शंका व्यक्त गरेको छ । अर्को तर्फ मालवेयर बाइट्सका अनुसन्धानकर्ताहरू भने संदिग्ध किसिमका गेम वेबसाइटबाट भाइरस फैलिएको हुनसक्ने बताएका छन् । 

यस्ता भाइरस आक्रमणबाट यसरी बच्नुहोस् 

यस किसिमका भाइरसबाट आफ्नो मोबाइललाई जोगाउन तपाईको डिभाइस र एपहरूलाई ‘अप-टु-डेट’ राख्ने गर्नुस् । गुगल प्लेस्टोरबाट मात्र एपहरू डाउनलोड गर्नेगर्नुस् । अनि अर्को कुरा वेबसाइटहरू भिजिट गर्दा एकदमै सावधानी अपनाउने गर्नुस् । यती सावधानी मात्रै अपनाउनुभयो भने तपाई धेरैहदसम्म यस्ता एन्ड्रोइड भाइरसबाट बच्न सक्नुहुनेछ ।

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team