२०७९, ३१ श्रावण मंगलबार   |  
Tuesday 16th August 2022

मध्य रातमा एनसेलको अफरः अरु नेटवर्कमा १ रुपैयाँमै कल

मोबाइल सेवा प्रदायक कम्पन एनसेलले मंगलबार मध्यराती देखि लागु हुनेगरी नयाँ अफर ल्याएको छ । आफ्ना प्रिपेड ग्राहकका लागि देशभित्रका अन्य सेवाप्रदायकको नेटवर्कमा समेत प्रति मिनेट कर बाहेक एक रुपैयाँमै कुराकानी गर्न सकिने गरी कम्पनीले ‘अल नेटवर्क भ्वाइस प्याक’ सार्वजनिक गरेको हो । 

यस अफर अन्तर्गत ग्राकहले कर बाहेक प्रति मिनेट १ रुपैयाँमै देश भित्रको सम्पुर्ण नेटवर्कमा कल गर्न सक्ने एनसेलले जनाएको छ । हाल सामान्य अवस्थामा एनसेलका ग्राहकले अन्य सेवा प्रदायकको नेटवर्कमा कल गर्दा कर बाहेक प्रति मिनेट १.९९ रुपैयाँ लाग्दै आएको छ ।  

यो ‘अल नेट भ्वाइस प्याक’ मंगलबार (कात्तिक २६) देखि सञ्चालनमा ल्याइएको हो । यस प्याक अन्तर्गत एनसेलका ग्राकहले २० मिनेटको अल नेटवर्क टक टाइम (देशका अन्य कुनै पनि टेलिकम सेवा प्रदायकको नेटवर्कमा कल गर्न मिल्ने) कर बाहेक २० रुपैयाँ (कर सहित २५.५४ रुपैयाँ) मै लिन सक्ने बताइएको छ । यसरी देश भित्रका अन्य नेटवर्कमा सुलभ दरमा कल गर्न सकिने अफर ल्याईएको यो नेपालमै पहिलो पटक हो ।

एनसेलका ग्राहकले *17118*7# डायल गरी यो प्याक सुचारु गर्न सक्नेछन् । सुचारु गरेपछि २४ घण्टाका लागि यो प्याक मान्य हुनेछ । यो अफर आगामी माघ २६ गतेसम्म संचालनमा रहने जनाइएको छ ।

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team