ट्रेन्डिङ:
अब अनुमति नलिई ७ मिटरभन्दा अग्ला टेलिकम टावर बनाउन नपाइने स्मार्ट धोबी : पुरानो काम, नयाँ शैली पुस १२ मा नेपालकै ठूलो स्टार्टअप प्रदर्शनी हुने, प्रवेश निःशूल्क अब एउटै ‘इमर्जेन्सी नम्बर’ कुनैकुनै व्यक्ति फोनमा चर्को स्वरले किन बोल्छन् ? यस्ता छन् त्याग्नै पर्ने भ्रम टेलिकममा कर्मचारीको आन्दोलन जारी लोकसेवा र विभिन्न विषयको प्रवेशिका परीक्षा तयारी गर्न सघाउने अनलाइन प्लेटफर्म ‘ज्ञानमार्क’ विद्यार्थीलाई अनलाइनबाटै कोडिङ सिकाउँदै ‘मेरो कोडिङ क्लास’ रेटिङ दिएकै भरमा रिवार्ड दिने ‘मेरो रेटिङ’ नेपाली विद्यार्थीले बनाए १ युनिट बिजुलीमै १०० किमी गुड्ने विद्युतीय कार, विश्व प्रतिस्पर्धामा जाँदै
close

अब अनुमति नलिई ७ मिटरभन्दा अग्ला टेलिकम टावर बनाउन नपाइने

टेकपाना टेकपाना

मंसिर २२, २०७६

अब अनुमति नलिई ७ मिटरभन्दा अग्ला टेलिकम टावर बनाउन नपाइने

दुरसञ्चार सेवा प्रदायकले सात मिटरभन्दा अग्ला टावर निर्माण गर्न नपाउने भएका छन् । नेपाल दुरसञ्चार प्राधिकरण बोर्डले ‘दुरसञ्चार टावर निर्माण तथा सञ्चालन सम्बन्धि विनियमावली’ स्विकृत गर्ने निर्णय गरेसँगै यस्ताे नियम लागु हुने भएकाे हाे । शुक्रबार बसेको बोर्ड बैठकले यसअघि व्यवस्थापनले तयार पारेको विनियमावलीलाई परिमार्जित गरि स्विकृत गर्ने निर्णय गरेको हो ।

‘दुरसञ्चार टावर निमार्ण तथा सञ्चालन सम्बन्धि विनियमावली’ पास गर्ने निर्णय बोर्डले गरेको छ’, प्राधिकरण स्राेतल भन्याे, ‘तर विनियमावली पास भने भएको छैन् । बोर्डले व्यवस्थापनले तयार पारेको विनियमावलीमा आवश्यक परिमार्जन गरी त्यसलाई पास गर्ने निर्णय गरेको हो ।’

व्यवस्थापनले तयार पारेर बोर्डमा बुझाएको विनियमावलीमा बोर्डले आवश्यक रुपमा काटछाटको काम पनि गरिसकेको स्रोतले जनाएको छ । उक्त काटछाटको आधारमा त्यसलाई तयार पारी विनियमावली पास गर्ने निर्णय भएको हो ।

विनियमावली पास भएसँगै कुनै पनि दुरसञ्चार सेवा प्रदायकले टावर निमार्ण गर्दा प्राधिकरणले तोकेको मापदण्ड भन्दा बाहिर गएर टावरको निमार्ण गर्न पाउने छैनन् । सात मिटरभन्दा अग्ला टावर निर्माण गर्नुपरे अनिवार्य रुपमा प्राधिकरणको स्वीकृति लिनुपर्नेछ ।

उक्त विनियमावलीले टावर निमार्ण गर्दाको लासेन्सीङ प्रोटेक्सन, अर्थिङ, सेयरीङ, टावर राख्दा स्विकृत गर्नुपर्ने विषय, संरचनको सुरक्षाको विषय, अन्तराष्ट्रिय नागरिक उड्यन संगठन(आईकाओ) का नियमहरु, लोकल अथोरिटीको आवश्यक्ताहरु सबैलाई समेटेको उल्लेख गरिएको छ ।

नाेटः यस अघिको समाचारमा अन्यथा पर्न गएकोमा सच्याइएको छ । सं.