२०७९, २७ श्रावण शुक्रबार   |  
Friday 12th August 2022

आविष्कार केन्द्रलाई बैंकले नपत्याएपछी ऋण दिन महाबीरको आग्रह

विकास अभियान्ता महाबीर पुनले आफुलाई सरकार तथा बैंकले नपत्याएको भन्दै आफ्नो फेसबुक तथा ट्वीटरमार्फत ऋणका लागि आग्रहक गरेका छन् । उनले सामुदायिक पर्यटन र राष्ट्रिय आविष्कार केन्द्रका लागी सामान बनाउने कारखाना निर्माणकालागि तीन करोड आवश्यक भएको भन्दै उक्त रकम ऋणको रुपमा उपलब्ध गराउन सबैलाई आग्रहक गरेका छन् ।

‘विश्वासको भरमा ४ प्रतिशत ब्याज दरमा मेरो नाममा तीन वर्षको लागि ऋण दिने नरम हृदय भएको अमेरिका, क्यानाडा, युरोप, जापान, अस्ट्रेलिया र अन्य देशमा बस्ने कोहि नेपाली अथवा समुह हुनुहुन्छ ?’, उनले आफ्नो फेसबुक वालमा लेखेका छन, ‘यो ऋण मैले दुई ओटा महत्वपुर्ण कामको लागि खोजेको हुँ । करिब ३ करोड चाहिएको छ । एउटैले सबै रकम ऋण दिनु पर्छ भन्ने होइन । सकेको ५, १०, २० लाख दिए पनि हुन्छ ।’

उनले ऋण खोजेको दुई परियोजनामा पहिलो सामुदायिक पर्यटन रेहको छ । दुर्गम ग्रामिण समुदायलाई मात्र फाइदा दिने मोडेलको सामुदायिक पर्यटन विकासको लागि एक करोड ऋण आवश्यक परेको बताएका छन् । उनका अनुसार सामुदायिक पर्यटन विकासको काम आंशिक रुपमा विगत १० बर्ष देखी चलीरहेको भएतापनि यसको विस्तारकालागि लगानी चाहीएको हो ।

‘यसको लागि नेपाल सरकार र बैंकहरुसँग सहयोग लिने प्रयास गरियो तर कुनै सहयोग नपाए पछि ऋण खोज्दैछु’, उनले लेखेका छन, ‘दोश्रो परियोजना कारखाना हो । राष्ट्रिय आविष्कार केन्द्रको लागी एउटा सानो स्केलको ‘सामान बनाउने कारखाना’ निर्माण गर्न जरुरी छ । आविष्कार केन्द्रमा सफलतापुर्बक अनुसन्धान भएका बस्तुहरुलाई सानो स्केलमा उत्पादन गरी बजारमा बेच्न र बजार परिक्षण गर्नको लागि यस्तो प्लान्ट चाहिएको हो । जसका लागि दुई करोड लगानी आवश्यक छ ।’

उनले ४ प्रतिशत ब्याज दरमा पैसा दिन कोही इच्छुक भएको खण्डमा आफ्नो इमेल ‘’ मा सम्पर्क गर्न समेत आग्रह गरेका छन् । अन्तीममा उनले लेखेका छन, ‘यसो गर्नु भयो भने देशको उद्दार हुनेछ ।’

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team