२०७९, २ भाद्र बिहिबार   |  
Thursday 18th August 2022

काठमाडौंमा ह्याकरको सम्मेलन हुँदै

काठमाडौं । आगामी सेप्टेम्बर २३–२५ मा ह्याकरहरुको सम्मेलन काठमाडौंमा हुने भएको छ । दुई ओटा सम्मेलन सफलरुपमा सम्पन्न गरिसकेको थ्रेटकनको तेश्रो संस्करणको मिति भर्खरै तय भएको हो । 

काठमाण्डौंको ठमेलमा हुने ह्याकरको आगामी सम्मेलनमा सहभागिताका लागि जुलाई/अगस्टबाट टिकेट खुला गरिने आयोजक थ्रेटनिक्सका संस्थापक सचिन ठकुरीले जानकारी दिए । सम्मेलनमा प्रस्तुत हुने कार्यपत्र संकलन भइरहेको भन्दै उनले मूल्याङ्कन पश्चात त्यसको टुंगो लाग्ने बताए । 

सन् २०१८ को नोभेम्बर २१ देखि २३ मा आयोजना भएको पहिलो सम्मेलन चार सयभन्दा बढीको सहभागिता रहेको थियो भने गत वर्षको सम्मेलनमा तीन सय हाराहारीको सहभागिता रहेको थियो । यस पटक भने थप भव्यताका साथ सम्मेलन आयोजना गरिने ठकुरीले जनाए । ‘यसपटक सम्मेलनमा सहभागिताका लागि अनलाइनबाटै आवेदन र त्यसको शूल्क तिर्ने व्यवस्था मिलाइनेछ,’ उनले भने ।

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team