कोरोना भाइरसको नाममा भइरहेको अनावश्यक चर्चा सीमित गर्न फेसबुकले मेडिकल फेस मास्कको विज्ञापनमा रोक लगाएको छ । सबैभन्दा ठूलो सामाजिक सञ्जालको रुपमा रहेको फेसबुकले शुक्रबार आफ्नो प्लेटफर्ममा रहेका मास्कको व्यापारिक लिस्ट तथा विज्ञापनमा रोक लगाएको हो ।
‘हामी कोरोना सीओभीआईडी१९ लाई नजिकबाट नियालिरहेका छौँ र अहिलेको जनस्वास्थ्यको इमर्जेन्सीबाट कसैले कुत्सित मनसाय राख्छ भने हामी हाम्रा नीतिहरुमा आवश्यक अपडेट गर्दै पनि जाने छौँ,’ फेसबुकका प्रडक्ट म्यानेजमेन्ट निर्देशक रोब लेथर्नले ट्वीटरको एउटा अपडेटमा भनेका छन् ।
Update: We’re banning ads and commerce listings selling medical face masks. We’re monitoring COVID19 closely and will make necessary updates to our policies if we see people trying to exploit this public health emergency. We’ll start rolling out this change in the days ahead.
कोरोना भाइरसको महामारीले विश्व नै प्रभावित बनेको छ । यस्तो बेलामा अनलाइन प्लेटफर्महरुले मूल्य बृद्धि र स्वास्थ्य सम्बन्धि गलत सूचना नियन्त्रण कार्य थालिसकेका छन् ।