२०७९, २८ श्रावण शनिबार   |  
Saturday 13th August 2022

४९ सय कर्मचारीलाई घरबाटै काम गर्न ट्वीटरको निर्देशन

विश्व स्वास्थ्य संगठनले कोरोना भाइरसलाई महामारी घोषणा गरेको एकदिनपछि ट्वीटरले विश्वभरका आफ्ना ४९ सय जना कर्मचारीहरुलाई घरमै बसेर काम गर्न निर्देशन दिएको छ । 

यो नयाँ कार्य व्यवस्था लागु भएसम्म करारमा आधारित होस् तथा घण्टाको हिसाबले काम गर्ने आफ्ना सम्पूर्ण कर्मचारीलाई निरन्तर तलब भूक्तानी गर्ने ट्वीटरले उल्लेख गरेको छ । 

साथै ट्वीटरले कोरोना भाइरसका कारण डे केयर सेन्टरहरु बन्द हुँदा थप डेकेयरका लागि खर्च गर्ने अभिभावकहरुको पैसा समेत भुक्तानी गरिदिने बताएको छ । साथै कम्पनीले घरमा बसेर काम गर्दा जुटाउनुपर्ने भिन्दै उपकरण र सामग्रीहरुमा लाग्ने खर्च पनि आफूले भर्पाई गरिदिने ट्वीटरको भनाई छ । 

यो महिनाको सुरुवातमा ट्वीटरले हङकङ, जापान र दक्षीण कोरियामा रहेका आफ्ना कर्मचारीहरुलाई घरमै बसेर काम गर्न निर्देशन दिएको थियो । 

ट्वीटरमात्र होइन अमेजन र गूगल लगायतका कम्पनीहरुले पनि चीन र चीनबाहिर विभिन्न देशमा रहेका आफ्ना कार्यालयहरु बन्द गरेर दशौं हजार कर्मचारीहरुलाई घरमै बस्न आह्वान गरेका छन् । 

मार्च १० मा गूगलको साँझेदार कम्पनी अल्फाबेटले आफ्ना करीब एक लाख उत्तर अमेरिकी कर्मचारीहरुलाई घरमै बसेर काम गर्न भनेको थियो ।

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team