२०७९, ३१ श्रावण मंगलबार   |  
Tuesday 16th August 2022

सीमा नाकामा हुने गतिविधि निगरानी गर्न सेनाको आफ्नै एप

काठमाडौं । नेपाली सेनाले सीमा नाकामा हुने गतिविधि निगरानी गर्न मोबाइल एप तयार पार्ने भएको छ । सेनाले नेपाल–भारतका ४१ सीमानाकामा हुने आवतजावत लगायतका गतिविधिको निगरानी तथा तथ्याङ्क गर्न एप बनाउने भएको हो ।

हाल सेनाले सीमा नाकाबाट नेपाल भित्रिनेहरुको स्वास्थ्य जाँच गर्न स्वास्थ्यकर्मी खटाएको छ । करिब २ हजार ३ सय स्वास्थ्यकर्मी खटाएको सेनालाई सरकारले कोभिड–१९ रोकथामका लागि आवश्यक सामग्री खरीद र पूर्वतयारीका लागि भन्दै १० करोड रुपैयाँ दिएको छ ।

नाकाबाट नेपाल प्रवेश गर्ने व्यक्ति कहाँ कहाँ गइरहेका छन् भन्नेसम्मको सूचना राख्ने र त्यसलाई केन्द्रबाट पनि अनुगमन गर्न सक्ने व्यवस्था मिलाइएको सैनिक प्रवक्ता विज्ञानदेव पाण्डेले बताए । उनले भने, ‘एपले दैनिक डाटा ट्रेस गर्छ र गूगल डक्समार्फत हेर्न सकिन्छ ।’ उक्त एप केही दिनमै तयार हुने सेनाले जनाएको छ ।

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team