कोरोनाका कारण स्मार्टफोनको व्यापारमा अहिलेसम्मकै ठूलो गिरावट

काठमाडौं । कोरोना भाइरस (कोभिड-१९) का कारण स्मार्टफोनको व्यापारमा आजसम्मकै ठूलो गिरावट देखिएको छ । विश्वभर फैलिएको कोरोना भाइरसका कारण मोबाइल फ्याट्रीदेखि मोबाइल स्टोरसमेत बन्द हुँदा यति ठूलो असर देखिएको हो ।

सन् २०१९ को फेब्रुअरीमा ९ करोड ९२ लाख संख्यामा मोबाइल बिक्री भएकोमा सन् २०२० को फेब्रुअरीसम्म आइपुग्दा जम्मा मात्र ६ करोड १८ लाख मोबाइलको बिक्री भएको छ । यस हिसावले यो अघिल्लो वर्षको तुलनामा ३८ प्रतिशत कम हो ।

अनुसन्धान संस्था स्ट्राटेजी एनालिटिक्सका अनुसार यति ठूलो गिरावटा इतिहासमै पहिलो पटक भएको हो । मोबाइलको उत्पादन कम हुनुका साथै मोबाइल स्टोर बन्द हुँदा यस्तो अवस्था देखिएको उसको विश्लेषण छ ।

यो अवस्था अझै केही समय लम्बिने देखिन्छ । चीनमा कोराना भाइरस नियन्त्रणमा आए पनि मार्च महिनामा समेत मोबाइलको व्यापार निरन्तर ओह्रालो लाग्ने अध्ययनले प्रक्षेपण गरेको छ ।

 

प्रतिक्रिया दिनुहोस्
Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5705254
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team