लकडाउनको समयमा टेलिकमको सेवा स्वतः नवीकरण हुने
चैत ११, २०७६ २०:४
काठमाडौं । कोरोनाभाइरसको महामारी रोकथाम र नियन्त्रणको प्रयासमा सरकारले देशलाई नै पूर्णतया लकडाउन गरेको छ । त्यसैलाई मध्यनजर गर्दै नेपाल टेलिकमले आफ्ना ग्राहकलाई नयाँ सुविधा उपलब्ध गराउन थालेको छ ।
अत्यावश्यक सेवाको रूपमा रहेको दूरसञ्चार सेवा प्रवाह गर्ने टेलिकमले आफ्ना सेवाहरू सहज, सुपथ तथा अविच्छिन्न रूपमा प्रवाह गर्ने उद्देश्यका साथ नयाँ सुविधा दिन थालेको हो ।
जसअनुसार टेलिकमले पुर्ण लकडाउनको अवधिमा कम्पनीका सेवाहरू निरन्तर उपलब्ध गराउन समयावधि सकिएका एडीएसएल तथा एफटीटीएच लाइनहरूको म्याद थप्ने भएको छ ।
त्यस्तै कम्पनीको ल्याण्डलाइन टेलिफोन सेवाको महशुल भुक्तानी नभएको खण्डमा लगाउने गरिएको जरिवाना समेत लकडाउन अवधिभरको लागि मिनाहा गर्ने निर्णय गरिएको टेलकिमले जनाएको छ ।
पछिल्लो अध्यावधिक: असोज २, २०७९ २२:३६
