कोरोनाका कारण व्यवसायिक दुनियामा जम्दै गरेको जूम एप

काठमाडौं । विश्वभर फैलिएको कोरोना भाइरससँगै जूमले पनि मौलाउने मौका पाएको छ । यसको अर्थ जूम आज विश्व व्यवसायिक दुनियाँमा सबैभन्दा लोकप्रिय एपको रुपमा स्थापित भएको छ ।

कोरोना भाइरसको महामारी सुरु हुन अघि त्यति धेरै चर्चा र प्रयोगमा नरहेको जूम आज घरमा बसेर कार्यालय सञ्चालनको सबैभन्दा उपयोगि टूल सावित भएको छ । प्रयोग गर्न सहज रहेको यो एपमार्फत प्रयोगकर्ताले चाहेअनुसार मिटिङ राख्न सक्छन् ।

निःशूल्क र सःशूल्क दुबै भर्सनमा उपलब्ध यो एप अघिल्लो वर्ष अप्रिलमा मात्रै सार्वजनिक भएको थियो । आज विश्वका धेरैजसो एयरलाइन्स कम्पनीले यसको प्रयोग गरिरहेका छन् । यसको पुष्टि एपको आम्दानीले पनि गर्छ ।

सन् २०१९ मा जूम एपको बजार पूँजी २३ खर्ब रुपैयाँ हाराहारी रहेको थियो । उक्त बजर पूँजी अहिले ५४ खर्बको हाराहारीमा पुगेको छ ।

यो रुपमा जूम एपले पाएको चर्चा र यसको प्रयोग बढ्नुका पाँच कारण आज हामी यहाँ उल्लेख गरिरहेका छौं ।

१. प्रयोग गर्न सहज

लामो समयदेखि भिडियो कन्फ्रेन्सको लागि मिटिङमा बस्ने सबैले सफ्टवेयर डाउनलोड गर्नुपर्ने प्रवृतिलाई यसले अन्त्य गर्दै एक क्लिकमा सिधै मिटिङमा जोडिन सकिने सुविधाको विकास जूमले गरेको छ ।

कसैले पठाएको रिक्वेस्टको लिंकमा क्लिक गर्ने बितिक्कै तपाईं भिडियो कन्फ्रेन्समा जोडिन सक्नुहुन्छ ।

२. सजिलै उपलब्ध

यो एप जुनसुकै डिभाइसमा पनि प्रयोग गर्न सकिने भएकाले सबैले सहजै प्रयोग गर्न सक्छन् । साथै यो जस्तोसुकै इन्टरनेटमा पनि प्रयोग गर्न सकिन्छ ।

३. सस्तो

कम्पनीले थोरै फिचरका साथ यो सर्भिस निःशूल्क पनि उपलब्ध गराइरहेको छ । तर, कम्पनीहरुको आवश्यकता अनुसार थोरै पैसा तिर्नुपर्ने हुन्छ । सबै प्रयोगकर्तालाई आफ्नो सेवा उपयोग गर्न दिने नीतिका कारण कम्पनीले निःशूल्क र सःशूल्क दुबै भर्समा उपलब्ध गराएको छ ।

४. विश्वसनीय

पछिल्लो केही सातामा यसको प्रयोग करोडौं मानिसले गरिरहेका छन् । यस्तो अवस्थामा पनि कुनै समस्या नआउनु यसको एउटा विश्वसनीय पक्ष हो ।

साथै यो समयमा इन्टरनेटको खपत उच्च भएको छ । जसले गर्दा इन्टरनेट स्लो चल्ने समस्या छ । यस्तोमा पनि बिना कुनै रुकावट यो चलिरहेको छ ।

५. प्रयोग गर्न रमाइलो

सबैभन्दा महत्वपुर्ण पक्ष यो प्रयोग गर्न रमाइलो छ । यदि तपाईं भान्सामा हुनुहुन्छ भने पनि आफ्नो ब्याकग्राउण्ड परिवर्तन गरी कुनै राम्रो स्थानमा बसिरहेको जस्तो देखाउन सक्नुहुनेछ । जसलाई धेरैले रुचाएका छन् ।

 

प्रतिक्रिया दिनुहोस्
Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5705254
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team