काठमाडौं । प्रहरीले सामाजिक सञ्जाल फेसबुकमार्फत अफवाह फैलाएको अभियोगमा एक जना युवालाई पक्राउ गरेको छ । सुर्खेतको लेकबेसी नगरपालिका-१ लेकफर्सा स्थित आफ्नै ससुराली घरमा बस्दै आएका दैलेख नौमुले नगरपालिका-३ का २१ वर्षीय प्रेम बिकलाई प्रहरीले पक्राउ गरेको हो ।
बिकले आफ्नो फेसबुक स्टाटसमा सुर्खेतमा एक जना कोरोना संक्रमित व्यक्ति देखिएको भन्दै तथ्यहीन र भ्रामक प्रचार गरी अफवाह फैलाएर जनमानसमा डर त्रास फैलाउने अभियोग लगाइएको छ ।
ईलाका प्रहरी कार्यालय लेकबेसीबाट खटिएको प्रहरीले बुधबार दिउँसो उनलाई पक्राउ गरेको हो । यस सम्बन्धमा आवश्यक अनुसन्धान भइरहको प्रहरीले जनाएको छ ।