काठमाडौं । कोरोना भाइरसका कारण मुलुक लामो समयदेखि लकडाउनमा छ । बजार पसल बन्द हुँदा प्रायः सबैजसो घरमै बस्न बाध्य छन् । यस्तो बेला समय व्यतित गर्न समेत सकस परिरहेको हुनसक्छ ।
रत्न बूकले लकडाउनको समयमा आफ्ना पाठकलाई साहित्य सम्बन्धी चर्चित मध्येका केही पुस्तक अनलाइनमा निःशूल्क पढ्ने सुविधा दिन थालेको छ । डाउनलोड गर प्रिन्ट गर्न नमिल्ने गरी उपलब्ध गराइएका २१ पुस्तक सीमित अवधिसम्म निःशूल्क रुपमा पढ्न सकिनेछ ।
पीडीएफ भर्सनमा उपलब्ध यी पुस्तक डेक्सटप, ल्यापटप, मोबाइल र ट्याब्लेटमा पढ्न सकिनेछ । अझ तपाईंको डिमाइसमा गुगल ड्राइभ एप डाउलोड छ भने थप अप्टिमाइज रुपमा पुस्तकको आनन्द लिन सक्नुहुनेछ ।