४३१ स्थानीय तहमा पुग्यो ब्रोडब्याण्ड इन्टरनेट

काठमाडौं । हालसम्म देशका ६१.४८ प्रतिशत स्थानीय तहमा ब्रोडब्याण्ड इन्टरनेट पुगेको छ । ग्रामीण दूरसञ्चार विकास कोष परिचालन गरी सञ्चालित परियोजनाको प्रगति विवरण बिहीबार सार्वजनिक भएको हो ।

ग्रामीण क्षेत्रमा ब्रोडब्याण्ड पहुँच विस्तार तथा अप्टिकल फाइबरको सूचना महामार्ग निर्माणका लागि नेपाल दूरसञ्चार प्राधिकरणले ग्रामीण दूरसञ्चार विकास कोषको रकम परिचालन गरेको थियो । जसअन्तर्गत सञ्चालित विभिन्न ब्रोडब्याण्ड इन्टरनेट परियोजनामा देशभरका नगरपालिका, गाउँपालिका, वडा कार्यालय, शैक्षिक संस्था, स्वास्थ्य संस्था आदिमा ब्रोडव्याण्ड इन्टरनेट सेवा उपलब्ध गराउन थालिएको हो ।

त्यसका लागि प्राधिकरणले विभिन्न १८ वटा प्याकेजमा काम अघि बढाएको थियो । जसमध्ये ११ वटा प्याकेज अन्तर्गत ४१ जिल्लामा नेटवर्क तथा कनेक्टिभिटी जडान भई सेवा समेत सञ्चालनमा आइसकेको प्राधिकरणले जनाएको छ । साथै वटा प्याकेजमा नेटवर्क तथा कनेक्टिभिटी जडानको लागि सेवा प्रदायक छनौट कार्य सम्पन्न भएर नेटवर्क निर्माण कार्य चालु रहेको उल्लेख छ ।

विवरण	स्थानीय निकाय	वडा कार्यालय	माध्यामिक विद्यालय	स्वास्थ्य संस्था	कुल साइट
अनुमानित साइट	७०१	५९५२	५५९७	४३५१	१६६०१
सम्झौता भएका साइट	५७४	४८०४	४४८७	३५८१	१३४६५
सम्पन्न साइट	४३१	३६१२	२९४८	५४६	९५३७
बाँकी साइट	२७०	२३४०	२६४९	१८०५	७०६४
जडान सम्पन्न %	६१.४८	६०.६८	५२.६७	५८.५२	५७.४५
कार्यप्रगति %	७५.०९	७५.१८	६५.७	७१.१	७०.८३

प्राधिकरणका अनुसार नेटवर्क निर्माण सम्पन्न भएका परियोजनामा ब्रोडब्याण्ड इन्टरनेट सेवाको गुणस्तर र मापदण्ड तोकिए अनुसार रहे/नरहेको विषयमा परीक्षण तथा अनुगमन गर्ने कार्य भइरहेको छ ।

नियामकले उपलब्ध गराएको प्रगति विवरण अनुसार १८ वटा प्याकेजले समेटिएका कूल सात सय १ स्थानीय तहालसम्म ६१.४८ प्रतिशत अर्थात ४ सय ३१ स्थानीय तहमा इन्टरनेट जडानको काम सम्पन्न भएको छ ।

यस अवधीमा ३ हजार ६ सय १२ वडा कार्यालय, २ हजार ९ सय ४८ माध्यामिक विद्यालय, २ हजार ५ सय ६४ स्वास्थ्य संस्था गरी कुल ९ हजार ५ सय ३७ स्थानमा इन्टरनेट जोडान भएको छ । जसअनुसार परियोजनाको काम ७५.०९ प्रतिशत सम्पन्न भएको प्राधिकरणले जनाएको छ ।

पछिल्लो अध्यावधिक: असोज २, २०७९ २२:३१

टिप्पणीहरू