आविष्कार केन्द्रलाई आइस्पानले दियो ५ लाख, अन्यलाई नगद र स्वास्थ्य सामग्री

काठमाडौं । इन्टरनेट सेवा प्रदायकहरुको छाता संगठन इन्टरनेट सेवा प्रदायक संघ नेपाल (आइस्पान) ले सात लाख रुपैयाँ नगदका साथै विभिन्न स्वास्थ्य सामग्री सहयोग गरेको छ । कोरोनाभाइरसको माहामारीसँग लड्ने कार्यमा सहयोग स्वरुप संघले विभिन्न संघ संस्थालाई उक्त सहयोग उपलब्ध गराएको हो ।

यसक्रममा संघले राष्ट्रिय आविष्कार केन्द्र र अभियान्ता महाबिर पुनलाई पाँच लाख सहयोग उपलब्ध गराएको छ । स्थानीय स्तरमा कोराना विरुद्द आवश्यक विभिन्न सामग्री निर्माण गर्ने कार्यका लागि उक्त सहयोग उपलब्ध गराइएको संघले जनाएको छ ।

त्यस्तै संघले भक्तपुर क्यान्सर अस्पताल लगायत विभिन्न ठाउँमा रहेका सहारा बिहीनहरुलाई खाना खुवाउँदै आइरहेको मानव आश्रमलाई समेत दुई लाख एक हजार रुपैयाँ सहयोग उपलब्ध गराएको छ ।

यसैगरी संघले ट्राफिक प्रहरी प्रभाग बग्गीखाना र महानगरीय प्रहरी आयुक्तको कार्यलय रानीपोखरीलाई समान तीन सय थान के नाइन्टी फाइभ मास्क, तीन सय थान सेनिटाइजर र पाँच प्याकेट (पाँच सय थान) पन्जा सहयोग गरेको छ । नेपाल प्रेस काउन्सिल अन्तर्गत पत्रकारलाई तीन सय ७५ थान के नाइन्टी फाइभ मास्क, तीन सय थान सेनिटाइजर, पाँच प्याकेट (पाँच सय थान) पञ्जा सहयोग उपलब्ध गराएको छ ।

यसका साथै स‌ंघले काठमाडौं महानगरपालिकालाई तीन सय थान के नाइन्टी फाइभ मास्क, तीन सय थान सेनिटाइजर, ५० प्याकेट (पाँच हजार थान) पञ्जा सहयोग गरेको छ ।

 

प्रतिक्रिया दिनुहोस्
Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5705254
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team