२०७९, २६ श्रावण बिहिबार   |  
Thursday 11th August 2022

आईटी उद्योगमा ८ महिनामा करीब ६ अर्ब लगानी, ४५ सयलाई रोजगारी

काठमाडौं । सरकारले आर्थिक सर्वेक्षण २०७६/७७ सार्वजनिक गरेको छ । चालु आर्थिक वर्षको फागुन मसान्तसम्मको तथ्याङ्कका आधारमा तयार पारिएको उक्त प्रतिवेदन अनुसार नेपालका तीन वटा प्रदेशमा सूचना प्रविधि सम्बन्धी कुनै पनि उद्योग नै दर्ता भएको छैनन् ।

यस आर्थक वर्षमा प्रदेश २, प्रदेश ५ र कर्णाली प्रदेशमा सूचना, प्रसारण तथा सञ्चार प्रविधिमा आधारित उद्योग दर्ता नै नभएको सर्वेक्षणमा उल्लेख छ । सर्वेक्षणका अनुसार सूचना प्रशारण तथा सञ्चार प्रविधिमा हालसम्म ५ अर्ब ६ करोड ८० लाख लगानीमा मुलुकभर ७६ वटा उद्योग दर्ता भएका छन् ।

जसको कूल स्थिर पुँजी ४ अर्ब १९ करोड ३० लाख रहेको छ भने चालु पुँजी भने ८७ करोड ४० लाख रुपैयाँ रहेको छ । यी उद्योगमा हालसम्म चार हजार पाँच सय ५१ जानाले रोजगारी पाएको सर्वेक्षणमा उल्लेख छ ।

आर्थिक वर्ष २०७६/७७ को फागुन मसान्तसम्म कूल लगानी प्रतिवद्धता मध्ये सूचना प्रविधिको क्षेत्रमा ०.२ प्रतिशत मात्र रहेको जनाइएको छ ।

हालसम्म नेपालमा सूचना प्रविधिको क्षेत्रमा ९१ वटा उद्योगमा विदेशी लगानी प्रतिवद्धता आएको छ । जसमा ७ अर्ब २६ करोड २३ लाख रुपैयाँ लगानी गर्ने र चार हजार ९ सय ११ जनालाई रोजगारी दिने रहेको छ ।

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team