यी आईफोनका लागि आउँदैछ आईओएस १४ टेकपाना बिहीबार, जेष्ठ २२, २०७७ १५:०२ काठमाडौं । एप्पलले चाँडै आईफोन प्रयोगकर्ताका लागि आईओएस १४ उपलब्ध गराउने भएको छ । विगत लामो समयदेखि आईओएस १४ चर्चामा रहेको छ । तर, अब भने कम्पनीले यसलाई चाँडै प्रयोगकर्तामाझ उपलब्ध गराउन सक्ने देखिएको छ ।कम्पनीले यही जुन २२ मा भर्चुअल रुपमा डेभलपर कन्फ्रेन्स डब्लूडब्लूडीसी आयोजना गरेको छ । सोही कन्फ्रेन्समार्फत कम्पनीले आईओएस १४ समेत सार्वजनिक गर्न सक्ने अनुमान गरिएको छ ।भर्खरैमात्र सार्वजनिक प्रतिवेदन अनुसार आईओएस १४ आईओएस १३ प्रयोग गर्ने सम्पूर्ण प्रयोगकर्तालाई उपलब्ध हुनेछ । कम्पनीका अनुसार आईओएस १४ सुरक्षाको हिसाबले अझ प्रभावकारी हुनेछ । यसबाट सफ्टवेयर र डिभाइसहरुमा स्थिरता ल्याउने प्रयास गरिएको छ । प्रतिवदेनका अनुसार एक दर्जन भन्दा बढी मोडलका डिभाइसमा यो नयाँ भर्सन उपलब्ध हुनेछ । यस्ता छन् आईओएस १४ सपोर्ट गर्ने आईफोन आईफोन एसई (२०२०) आईफोन इलाभेन आईफोन इलाभेन प्रो आईफोन इलाभेन प्रो म्याक्स आईफोन एक्सएस आईफोन एक्सएस म्याक्स आईफोन एक्सआर आईफोन एक्स आईफोन एट आईफोन एट प्लस आईफोन सेभेन आईफोन सेभेन प्लस आईफोन सिक्स एस प्लस आईफोन सिक्स प्लस आईप्याड टच (सेभेन्थ जेनेरेसन) आईफोन एसई