चिनियाँ एप नै टिकटकको प्रतिस्पर्धामा
जेठ २६, २०७७ १०:५८
एजेन्सी । टिकटकपछिको दोस्रो ठूलो चिनियाँ भिडियो एप निर्माता कम्पनी क्वाइसाउको जेन एप अमेरिकाको लोकप्रिय एप बनेको छ । गत मेमा सार्वजनिक भएको उक्त एप एक महिनाभित्रै एप्पल एप स्टोरमा सबैभन्दा लोकप्रिय एप बनेको हो ।
जेनको इन्टफेस दुरुस्तै टिकटकको जस्तै छ । प्रयोगकर्ताहरुले यसमा अन्य प्रयोगकर्ताको छोटो भिडियो फीड आफ्नो वालमा हेर्नसक्छन् । तर जेनले आफूलाई टिकटक जस्तो मनोरञ्जनमा मात्र सिमित राखेको भने छैन ।
यो एपमा प्रयोगकर्ताले आफ्ना साथीहरुलाई एप डाउनलोड गर्न इन्भाइट पठाउन सक्छन् । त्यसवापत् पैसा कमाउन सक्छन् ।
प्रयोगकर्ताले इन्भाइट पठाएको साथी एपमा कति सक्रिय छ, त्यस आधारमा प्रति इन्भाइट २० डलरसम्म पैसा कमाउन सक्छन् । यसबाहेक भिडियो हेरेर पनि प्रयोगकर्ताले अंक प्राप्त गर्न सक्छन्, जसलाई पैसामा बदल्न सकिन्छ ।
तर यो एप चीनमा भने उपलब्ध छैन । क्यानडा र अमेरिकाका प्रयोगर्कताले जेन एप प्रयोग गर्न सक्छन् । विश्वभर लोकप्रिय बनेको स्वदेशी कम्पनी बाइटड्यान्सको टिकटक एपको विरासतलाई समाप्त पार्न क्वाइसाउ प्रयासरत छ ।
जेन एप डाउनलोड गर्न एन्ड्रोइडका लागि यहाँ र आईओएसका लागि यहाँ क्लिक गर्नुहोस् ।
पछिल्लो अध्यावधिक: असोज २, २०७९ २२:३०
