कोरोनाको स्वाब निकाल्ने सुइरो नेपालमै बनाउँदै राष्ट्रिय आविष्कार केन्द्र
जेठ २७, २०७७ १६:३१
काठमाडौं । राष्ट्रिय आविष्कार केन्द्रले कोरोनाभाइरस परीक्षणका लागि स्वाब संकलन गर्ने क्रममा प्रयोग हुने सुइरो नेपालमै बनाउने भएको छ । केन्द्रले जापानबाट आवश्यक मेसिन आयात गरी नेपालमै सुइरो बनाउने कार्य थालेको हो ।
आविष्कार केन्द्रका संस्थापक तथा सामाजिक अभियान्ता महाबिर पुनका अनुसार १४ लाख रुपैयाँ पर्ने कोरोना स्वाब निकाल्ने सुइरो बनाउने मेसिन तथा थ्रीडी प्रिन्टर नेपाल एअरलाइन्सबाट काठमाडौं आइपुगेको छ । साथमा कोरोना रोकथाम गर्न आवश्यक अन्य सामग्रीहरु समेत रहेको बताइएको छ ।
नेपालमै सुइरो बनाउन आवश्यक मेसिन खरीदका लागि गैर आवासीय नेपाली संघ (एनआरएनए) जापान तथा अन्य नेपालीले २१ लाख रुपैयाँ आर्थिक सहयोग गरेको पुनले उल्लेख गरेका छन् ।
पछिल्लो अध्यावधिक: असोज २, २०७९ २२:३०
