काठमाडौं । साइबर सुरक्षा फर्म ईभिनाले गूगलका लागि त्यस्ता एपहरुको बारेमा एउटा अलर्ट जारी गरेको थियो, जसले फेसबुक प्रयोगकर्ताको लग ईन सहितका डेटा चोरी गर्दै आएका थिए । सोही अलर्टपछि गूगलले त्यस्ता २५ वटा एपलाई आफ्नो प्ले स्टोरबाट हटाएको हो ।
ती एपहरुमा मालवेयर (भाइरस) रहेको थियो, जसले प्रयोगकर्ताको फेसबुक लग ईन विवरणहरू चोरी गर्दै आएको थियो। यी २५ वटा एप कूल २० लाख प्रयोगकर्ताले डाउनलोड गरेका थिए ।
यस्ता एपहरुमा अधिकांश फाइल म्यानेजर, फ्ल्याश लाइट, वालपेपर म्यानेजर, स्क्रीनशट एडिटर, मौसम सम्बन्धी सेवा अफर गर्नेहरु रहेका छन् । साइबर सुरक्षा फर्म ईभिनाले यी २२ एपहरुको बारेमा जानकारी दिँदै भनेको छ कि यी एपहरु यदि तपाईंको मोबाइलमा छन् भने तुरुन्त डिलिट गर्नु बुद्धिमानी हुनेछ ।