अहिले विश्वभर अढाई अर्ब एण्ड्रोइड डिभाइस तपाईंको एप डेभलप हुने प्रतिक्षामा छन् । फ्री कोड क्याम्प नामक संस्थाले १५ घण्टे विस्तृत कोर्ष सार्वजनिक गरेको छ ।
मीआईकोडले तयार गरेको यो कोर्षले तपाईंलाई एण्ड्रोइड एप्लिकसेन कसरी डेभलप गर्ने भन्ने विषय सिकाउनेछ । यसमा सबैभन्दा उत्कृष्ट विषय के छ भने यसको सुरुवात गर्न तपाईंसँग प्रोग्राम कसरी गर्ने भन्ने कुरा थाहा नहुँदा पनि कुनै फरक पर्दैन ।
यो कोर्षमा तपाईंले जाभाको प्रयोग गरेर रियल-वर्ड एण्ड्रोइड एप्लिकेसन कसरी बनाउने भन्ने कुरा सिक्नुहुनेछ । एप बनाउने क्रममा तपाईंले जाभा र अब्जेक्ट ओरियन्टेड (विषयवस्तु केन्द्रीत) प्रोग्रामिङमा आधारभूत प्रोग्रामिङ ल्याङ्ग्वेज समेत सिक्नुहुनेछ ।
यहाँ तपाईंले कोड निःशूल्क रुपमा सिक्न सक्नुहुनेछ । फ्रीकोडक्याम्पको ओपन सोर्स पाठ्यक्रमले ४० हजारभन्दा धेरैलाई डेभलपरको रुपमा रोजगारी प्राप्त गर्ने कार्यमा सघाइसकेको छ । यहाँ क्लिक गरेपछि फ्रीकोडक्याम्पमा जोडिएर तपाईंले छ हजारभन्दा धेरै ट्युटोरियल समेत फेला पार्न सक्नुहुनेछ ।