भारतमा थप ४७ चिनियाँ एपमाथि बन्देज, पब्जी लगायत २७५ एपमाथि समेत प्रतिबन्धको तयारी

काठमाडौं । ५९ वटा चिनियाँ एपहरूमा प्रतिबन्ध लगाएको भारतले थप ४७ एपमाथि समेत रोक लगाएको छ । भारतीय सञ्चारमाध्यमहरुका अनुसार पछिल्लोपटक प्रतिबन्ध थप गरिएका एपहरुमा यस अघि बन्द गरिएका एपहरुकै क्लोन तथा लाइट भर्सन रहेको बताइएको छ । 

तर पछिल्लोपटक प्रतिबन्ध थप भएका एपहरुको नाम भने खुलाइएको छैन । यद्यपी प्रतिबन्धमा परेका केही एपहरुको नाम भने बाहिर आएको छ । जसमा टिकटक लाइट, हेलो लाइट, शेयरईट लाइट, बिगो लाइभ र भीएफवाई लाइट रहेका छन् । 

यससँगै भारतमा प्रतिबन्धमा पर्ने चिनियाँ एपहरुको संख्या १०६ पुगेको छ । सँगसँगै यो अन्य २७५ चिनियाँ एपमाथि समेत प्रतिबन्ध लगाउने तयारी भइरहेको विषय समेत बाहिर आएको छ ।

Ministry of Electronics and Information Technology bans 47 apps which were variants and cloned copies of the 59 Chinese apps that were banned in June. These banned clones include Tiktok Lite, Helo Lite, SHAREit Lite, BIGO LIVE Lite and VFY Lite. pic.twitter.com/oWHmAmoWlr

— ANI (@ANI) July 27, 2020

जसमा पब्जी र जिली जस्ता एपहरु समेत रहेका छन् । साथै क्यापकट, फेसयू, मीआईटीयू, एलबीआई टेक, पर्फेक्ट क्रप, नेटिज गेम्स, अलि एक्सप्रेस, रेसो र यूलाइक जस्ता एप समेत रहेको बताइएको छ । 

भारतीय सञ्चारमाध्यमहरुले उल्लेख गरेअनुसार त्यहाँको सरकारले यी मोबाइल एपहरुले प्रयोगकर्ताको गोपनीयता हनन् गरे नगरेको छानविन गरिरहेको छ । साथ साथै चिनियाँ इन्टरनेट सेवाप्रदायक कम्पनीहरुमाथि समेत भारत सरकारले प्रतिबन्ध लगाउने संकेत गरेको बताइएको छ ।

एजेन्सीको सहयोगमा । 

पछिल्लो अध्यावधिक: असोज २, २०७९ २२:३०

टिप्पणीहरू