खुम्बाया डट कमको सेवा सुचारु

Khumbaya resumes services after lockdown

काठमाडौं । लकडाउन खुलिसकेको अवस्थामा सुरक्षा अनिश्चितताबीच खुम्बाया डट कमले आफ्नो सेवा सुचारु गरेको छ । सप्लायर, होलसेलर, ट्रेडर लगायत बिक्रेता तथा क्रेताबीच सेतुको रुपमा प्लेटफर्म प्रदान गर्दै आइरहेको खुम्बायाले लकडाउनमा अवरुद्ध सेवा पुनः सुचारु गरेको हो । 

देशभरका विभिन्न सप्लायर तथा बिक्रेताहरुले खुम्बायालाई आफ्नो सेवा तथा उत्पादित वस्तुको एक्सेल सूची प्रदान गर्दछन् । सूचीलाई खुम्बायाले आफ्नो ड्यासबोर्डमा राखेर त्यसको युजर लग ईन विवरण बिक्रेतालाई दिन्छ ।

यसरी बिक्रेताले ड्यासबोर्डबाट क्रेतासँग प्रत्यक्ष रुपमा जोडिएर आफ्नो सामान बिक्री गर्न सक्छन् । साथै बिक्रेता स्वयम्‌ले ड्यासबोर्ड तथा वस्तुको विवरणलाई अद्यावधिक गर्न सक्दछन् । 

साथै मर्चेन्टहरुले खुम्बायाको पेजमा गएर आफ्नो व्यवसायलाई चलायमान राख्न आवश्यक सामग्रीहरु बिक्रेताबाट सोझै खरिद गर्न पनि सक्छन् ।

खुम्बाया डट कमका मार्केटिङ म्यानेजर अनुप कक्षपति खुम्बाया उत्पादक, सप्लायर, होलसेलर, खुद्रा वितरक तथा क्रेताहरुको लागि सम्पर्क गर्ने, सञ्चार गर्ने र सामान किनबेच गर्ने थलो भएको बताउँछन् । 

 

प्रतिक्रिया दिनुहोस्
Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5705254
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team