२०७९, २७ श्रावण शुक्रबार   |  
Friday 12th August 2022

अब गूगल मीटको भिडियो कन्फ्रेन्स तपाईंको टिभीमा पनि, यसरी गर्नुहोस् स्ट्रिमिङ

काठमाडाैं। तपाईंको घरको ठूलो स्क्रीन भएको टिभीमा गूगल मीटबाट भिडियो कन्फ्रेन्स गर्दा कस्तो होला ? गूगल मीटले यसलाई सम्भव बनाउन गूगल मिटमा क्रोमकास्ट सपोर्ट थप गरेको छ । 

अब तपाईंले मीटको भिडियो कन्फ्रेन्सलाई क्रोमकास्ट स्ट्रिमिङ स्टिक्स, एन्ड्रोइड टिभी र स्मार्ट डिस्प्ले जहाँ पनि कास्ट गर्न सक्नुहुन्छ । 

अघिल्लो वर्ष गूगलले मीटलाई नेस्ट हब म्याक्समा पनि स्ट्रिमिङ हुने फिचर ल्याएको थियो । 

टिभीमा यसरी गूगल मीट स्ट्रिमिङ गर्नुहोस्

टिभीमा भिडियो कन्फ्रेन्स स्ट्रिमिङ भइरहेता पनि तपाईंको मोबाइल वा कम्प्युटरमा समेत त्यो स्ट्रिम भइरहेको हुन्छ । यसकारण टेलिभिजनमा भिडियो कन्फ्रेन्स स्ट्रिम भइरहे पनि माेबाइल वा पिसीकाे वेब क्यामेरा नै तपाईंले प्रयाेग गर्नुपर्छ ।

तपाईंको मोबाइल र टिभीलाई क्रोमकास्टले जोड्छ । यसका लागि सपोर्टेड क्रोमसकास्टहरू जस्तै क्रोमकास्ट अल्ट्रा र सेकेण्ड जेन क्रोमकास्ट प्रयोग गर्नुपर्छ ।

तर, एन्ड्रोइड टिभी र कास्ट हुनसक्ने डिस्प्लेअनुसार भिडियो कन्फ्रेन्सले फरक-फरक तरिकाले काम गर्छ । 

टिभीमा गूगल मीटको भिडियो कन्फ्रेन्स स्ट्रिमिङ गर्न मिटिङलाई क्रोममा खोल्नुहोस् र त्यहाँ तपाईले ‘कास्ट दिस मिटिङ’ अप्सन देख्नुहुन्छ । यसलाई क्लिक गरेर तपाईंले मिटिङ सुरु हुनुअघि वा हुँदै गर्दा दुवै समयमा एक्सेस पाउन सक्नुहुन्छ ।

यसैले कुनै संवेदशील र महत्वपूर्ण मिटिङ छ भने हामी तपाईंलाई ल्यापटपबाट नै मिटिङ बस्न सुझाव दिन्छौं ।  

-एजेन्सीकाे सहयाेगमा

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team