२०७९, २ भाद्र बिहिबार   |  
Thursday 18th August 2022

एनसेलको ‘पावर सिम’: युवाका लागि डेटा र भ्वाइसको उत्कृष्ट समायोजन

काठमाडौं । युवा पुस्ता पछिल्लाे समय सूचना प्रविधिसँग बढी नजिक छन् । उनीहरूकाे दैनिकी नै प्रविधिसँग जोडिएको छ । अध्ययनदेखि कार्यालयकाे काममा पनि उनिहरुको निर्भरता प्रविधिसँगै बढेकाे छ ।

ग्याजेट्स, आर्टिफिसियल इन्टिलिजेन्स (एआई), मशिन लर्निङ, क्लाउड सर्भिसजस्ता प्रविधिका पछिल्ला देनले विश्व परिवेशमै नयाँ खालको तरङ्ग पैदा गरिरहेको छ ।

युवा पुस्तालाई लक्षित गर्दै केही समयअघि निजि क्षेत्रको दूरसञ्चार सेवा प्रदायक एनसेलले ‘पावर सिम’ सार्वजनिक गरेको थियो । यसको उद्देश्य युवा पुस्तालाई निरन्तर इन्टरनेट र कलमार्फत एक अर्कासँग जोड्नु रहेको छ । सोही पावर सिम र त्यसमा उपलब्ध सेवा सुविधाबारे यहाँ हामी तपाईंलाई जानकारी दिँदै छौं ।

के हो एनसेलको ‘पावर सीम’ ?

मोबाइल सेवाप्रदायक कम्पनी एनसेलले युवालाई लक्षित गर्दै ‘सही यो ! पावर सिम’ ट्याग लाइनका साथ यो पावर सिम ल्याएको छ । जसमा खेल, म्युजिक, डेटा, कल लगायतका विभिन्न सेवा एकै ठाउँमा बन्डलिङ गरिएको छ । याे सीममा पीआरबीटी, स्पोर्टिज, स्पोर्ट भिडियो पोर्टल, ‘दामी म्युजिक’, हंगामा म्युजिक प्रो लगायतका सेवा निःशुल्क रुपमा उपलब्ध गराइएको छ ।

पावर सिमका फाइदा

कल तथा डेटा

९९ रुपैंयामा बजारमा किन्न पाइने यो सिममा सुरुमा २० रुपैयाँको मेन ब्यालेन्स हुनेछ । साथमा ५०० एमबी डेटा (२५० एमबी फोरजीसहित), १० मिनेटकाे नेट टकटाइम र एक सयवटा नेट एसएमएस उपलब्ध हुनेछन् । जसको प्रयोग एक हप्तासम्म गर्न सकिन्छ ।

रिचार्जमा अफर

यसको साथै पावर सिमका लागि कम्पनीले ‘नयाँ स्टार्टर’ प्याकसमेत उपलब्ध गराएको छ । यसको अर्थ सिम कार्ड सुचारु भएको दिनभित्र (उदाहरणका लागि यदि तपाईंले दिउँदो २ बजे सिम कार्ड सुचारु गर्नु भएको छ भने त्यही दिन बेलुका १२ बजेभित्र) एक सय रुपैयाँ वा सोभन्दा माथिको रिचार्ज गरेको खण्डमा ३० दिनसम्म प्रत्येक दिन १५० एमबी डेटा बोनस प्राप्त हुनेछ ।

साथै एनसेलको चर्चित माई फाइभ सेवा १२ महिनासम्मका लागि पाउनेछन् । यसरी हरेक दिन प्राप्त हुने १५० एमबी डेटा भने सोही दिनभित्र सक्नुपर्नेछ । त्यस्तै माई फाइभ सेवामा तपाईंले आफ्ना पाँचजना एनसेलका सीम प्रयोग गर्ने साथिहरुलाई एड गर्न सक्नुहुनेछ ।

उक्त पाँच नम्बरमा पहिलो एक महिना नि:शुल्क कुरा गर्न सकिनेछ । साथै बाँकी ११ महिना ती नम्बरहरूमा केवल ९९ पैसा प्रतिमिनेटमा कुरा गर्न सकिनेछ । त्यतिमात्रै नभएर हरेक पटक एक सय रुपैयाँमा तपाईंले ५०० एमबी (२५० एमबी अलटाइम र २५० एमबी फोरजी) बोनस डेटा प्राप्त गर्नु हुनेछ ।

यसको अर्थ तपाईंले जति धेरै खर्च गर्नुभयो त्यति नै धेरै सेवा यो सिम कार्डमा प्राप्त गर्नुहुनेछ । यो सेवा सिम कार्ड सुचारु भएको मितिले १२ महिनासम्म लागू हुने कम्पनीले जनाएको छ ।

अन्य सुविधा

यो सिममा कम्पनीले बण्डलको रुपमा आउने पीआरबीटी (सेवा र स्वतः आउने टोन) निःशुल्क एक्टिभ गर्न सकिनेछ । निःशुल्कको हकमा सीमित रिङ ब्याक टोनमात्रै उपलब्ध रहेकाे छ । यदि तपाईं निःशुल्क उपलब्ध गराइएको टोनभन्दा अन्य टोन प्रयोग गर्न चाहनुहुन्छ भने त्यसका लागि १२ रुपैयाँ ७७ पैसा तिर्नुपर्ने हुन्छ ।

यसका साथै स्पोर्टिज पोर्टल सर्भिस, दामी म्युजिक र हंगामा म्युजिक प्रोको सब्स्क्रिप्सन पनि उपलब्ध गराइएको छ । हंगामा म्युजिक र स्पोर्टिज पोर्टल सर्भिस एक्टिभ भएसँगै एनसेलले तपाईंलाई म्यासेजमार्फत उक्त एप डाउनलोड गर्न लिंकसमेत उपलब्ध गराउनेछ ।

उक्त लिंकमा क्लिक गरी सहजै एप डाउनलोड गर्न सकिन्छ । उक्त डाउनलोड भएको एपमा एनसेलको पावर सिम नम्बर प्रयोग गरी सर्भिस एक्टिभ गर्न सकिनेछ ।

हंगामा म्युजिकमार्फत तपाईंले नि:शुल्क रुपमा गीत डाउनलोड गर्नुका साथै सुन्न सक्नुहुनेछ । स्पोर्टिज पोर्टल सर्भिसमार्फत खेलकुदमा रुचि राख्ने व्यक्ति विश्व खेलकुदबारे नियमित जानकारी प्राप्त गर्न सक्नेछन् ।

यी दुवै सेवा सिम कार्ड सुचारु भएको मितिले सात दिनभित्र एक्टिभ गर्न सकिने उल्लेख गरिएको छ । यो सेवा सिम कार्ड सुचारु भएको मितिले ३० दिनसम्म प्रयोग गर्न सकिने छ ।

गेम तथा म्युजिक प्याक

गेमिङ प्याक र म्युजिक प्याक खरिदका लागि ‘पावर सिम’ प्रयोगकर्ताले *१७१०३# डायल गर्नुपर्ने हुन्छ । गेमिङ प्याकको लागि भने करबाहेक ११० रुपैयाँ लाग्नेछ । जसमा सात दिन समयावधि रहेको २ जीबी डेटा पनि यसमा उपलब्ध हुनेछ । साथै सात दिनसम्म डिजिटल सर्भिस् (प्लेलाइभ, गेम्स पार्क र गेम्स प्लस) निःशुल्क सुचारु गर्न सकिनेछ ।

त्यस्तै, ग्राहकले कर बाहेकमात्र एक सय पाँच रुपैयाँमा म्युजिक प्याक सुचारु गर्न सक्नेछन् । म्युजिक प्याकअन्तर्गत ग्राहकले सात दिन समयावधिको २ जीबी डेटा प्राप्त गर्नेछन् । त्यस्तै तपाईंले डिजिटल सर्भिसको रुपमा अर्को सर्भिस दामी म्युजिक पनि निःशुल्क सुचारु गर्न सक्नुहुनेछ।

यो सेवा पनि सिम कार्ड सुचारु भएको मितिले एक साताभित्र एक्टिभ गर्न सकिनेछ । साथै सेवा ३० दिनसम्म प्रयोग गर्न सकिनेछ । तर, यी सबै सेवा एनसेलको डेटामार्फत मात्रै प्रयोग गर्न सकिनेछ । घर अथवा कार्यालयमा उपलब्ध हुने वाईफाईमा भने यसले काम गर्नेछैन ।

एनसेलको पावर सिम कसरी लिने ?

हामीले सिम कार्ड प्रयोग गरेको केही अनुभव तपाईंहरुलाई अन्त्यमा सुनाउने छाैं । त्योभन्दा पहिले यो सिम कार्ड कसरी लिने त ? त्यसका लागि के-कस्ता कागजातको आवश्यक पर्छ भन्ने विषयमा जानकारी दिन चाहन्छाैं ।

सिम कार्ड खरिदका लाति तपाईंले त्यस्तो कनुै किसिमको झन्झट बेहोर्नु पर्दैन । तर, त्यसका लागि तपाईं २५ वर्षभन्दा कम उमेरको हुनुपर्नेछ । यदि यो उमेरहद भित्र हुनुहुन्छ भने तपाईंले एनसेल सेन्टरका साथै आधिकारीक डिलरमा गएर यो सिम कार्ड खरिद गर्न सक्नुहुने छ ।

कम्पनीले यो सिम कार्ड खरिदको लागि विद्यार्थीको परिचयपत्र उपलब्ध हुनुपर्ने भनी उल्लेख गरेको छ । त्यसैले यदि तपाईंसँग विद्यार्थि परिचयपत्र भएको खण्डमा सहज हुनेछ । यदि छैन भने पनि त्यसले त्यति फरक पर्दैन ।

नागरिकता अथवा सवारी अनुमतिपत्र लिएर जानुभएको खण्डमा पनि तपाईंलाई सहज रुपमा यो सीम कार्ड उपलब्ध हुनेछ । अझ सहजताको लागि एनसेलले अनलाइनमार्फत नै सिम कार्ड रजिस्ट्रेसनको सुविधा पनि दिएको छ । अनलाइनमार्फत फाराम भरी त्यहाँ उपलब्ध भएको कोड लिएर गएको खण्डमा अझ सहज रुपमा सीम कार्ड प्राप्त गर्न सक्नुहुनेछ ।

आवश्यक कगजात

  • सक्कली नागरिकता अवथा सवारी अनुमतिपत्र (समय अवधि नसकिएको)
  • एक प्रति पासपोर्ट साइज फोटो
  • विद्यार्थीको परिचयपत्र (समय अवधि नसकिएको)
  • एक सय रुपैयाँ

सिम प्रयोगको अनुभव

यो सिम कार्ड प्रयोग गरेको केही दिनको अनुभव केही फरक नै रह्यो । विशेष गरी गेममा रुचि राख्ने र गेम खेल्न मनपर्नेका लागि विभिन्न बोनस, विभिन्न सेवाको सब्क्रिप्सन अनि नन–स्टप म्युजिकको मज्जा यो सिमको एउटा नयाँपन हो ।

त्योभन्दा पनि सिम कार्ड किनेको पहिलो दिन सय रुपैयाँ रिचार्ज गरेको खण्डमा तपाईंले ११ जिबि डेटा प्राप्त गर्नु हुनेछ । जसले तपाईंलाई समाजिक सञ्जालमा जोडिन र आफ्ना आफन्तसँग निरन्तर कनेक्टमा रहन समेत मद्धत गर्नेछ ।

साथै माई फाईभ सेवाले नियमित कल गर्नुपर्ने पाँच जनासँग एक महिनासम्म निःशुल्क गफ गर्ने सुविधा दिनेछ । साथै एक महिनापछि पनि सस्तो मूल्यमा उक्त पाँच नम्बरमा कल गर्न सकिने उल्लेख गरिएको छ ।

त्यो भन्दा पनि यो सिम कार्डको मज्जा भनेको जति तपाईं रिचार्ज गर्दै जानुहुन्छ त्यति नै धेरै बोनस प्राप्त गर्दै जानुहुनेछ । त्यसैले यो सिम प्रयोग अहिलको पुस्ताको लागि उपयुक्त हुनेछ ।

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team