काठमाडौं । एनसेल आजियाटा लिमिटेडले आफ्ना फोरजी ग्राहकका लागि आकर्षक योजना सार्वजनिक गरेको छ । बोनस डेटाका साथै युट्युब, टिकटक र फेसबुक नन्स्टपरुपमा प्रयोग गर्न सकिने गरी कम्पनीले आकर्षक अफर ल्याएको हो ।
एनसेलले आफ्नो हाल संचालनमा रहेको नन्स्टप युट्युव प्लस अफरमा थप विकल्प प्रदान गर्दै नयाँ अफरहरु ल्याइएको जनाएको छ । ‘प्लस’ थिम अन्तर्गत ल्याइएका यी ननस्टप अफरहरु बिहीबारदेखि संचालनमा आएका छन् । ‘प्लस’ थिमले नवीन र विशेष सेवाहरुको साथ ग्राहकलाई हरपल जहाँ भए पनि सेवामा पहुँच सुनिश्चित गराउने उद्देश्य लिएको छ ।
यो आकर्षक योजनामा ग्राहकले आफूलाई मनपर्ने सामाजिक सञ्जालको प्याक सुचारु गरेपछि प्याकको समय सीमा बाँकी भएसम्म नन्स्टप रुपमा प्रयोग गर्न सक्नेछन् । जस्तै यदि कुनै ग्राहकले सात दिनको नन्स्टप टिकटक प्याक १०० रुपैयाँ (कर सहित १२७.६९ रुपैयाँ) मा सुचारु गरेमा ग्राहकले एक हप्ताभर टिकटकको नन्स्टप आनन्द लिन सक्नेछन् ।
साथै यो प्याक लिने ग्राहकले अन्य प्रयोजनका लागि इन्टरनेट चलाउन थप चार जीबी डेटा बोनसको रुपमा प्राप्त गर्नेछन् । युट्युवमा रहेका सामग्रीहरु मात्र हेर्न रुचाउने ग्राहकका लागि नन्स्टप युट्युव प्याक पनि रहेको छ ।
कम्पनीका ग्राहकले आफ्नो आवश्यकता अनुसार २५ रुपैयाँ (कर सहित ३१.९२ रुपैयाँ) मा एक दिनको समयसीमा रहेको यो प्याक सुचारु गर्न सक्नेछन् । त्यस्तै ग्राहकले चार जीबी बोनस डेटासहितको ७ दिनको समयसीमा रहेको युट्युब र फेसबुकको कम्बो प्याक १५० रुपैयाँमा (कर सहित १९१.५४ रुपैयाँ) मा सुचारु गर्न सक्छन् ।
साथै ग्राहकले ३० दिनको समयावधि रहेको ६ जीबी बोनस डेटा सहितको नन्स्टप युट्युब प्याक ३६० रुपैयाँ (कर सहित ४५९.६८ रुपैयाँ) मा खरिद गर्न सक्छन् । बोनस डेटा ग्राहकले अन्य कुनै प्रयोजनका लागि प्रयोग गर्न सक्ने कम्पनीले जनाएको छ ।
सात दिन वा ३० दिनको नन्स्टप प्याक खरिद गर्ने प्रयोगकर्ताका लागि विषेश थप योजना पनि रहेको छ । ग्राहकले उल्लेखित नन्स्टप प्याक सुचारु गरेपछि २० रुपैयाँमा (कर सहित मात्र २५.५४) मा हरेक दिन पाँच सय एमबीको दरले सात दिनसम्म कूल ३५०० एमबी थप डेटा प्राप्त गर्न सक्नेछन् । उक्त डेटा ग्राहकले फेसबुक, टिकटक र युट्युब चलाउनका लागि प्रयोग गर्न सक्नेछन् ।
एनसेलका फोरजी ग्राहकले *17123*1# डायल गरी प्राप्त निर्देशनअनुसार आफ्नो मनपर्ने नन्स्टप अफरका लागि प्याक सजिलै सुचारु गर्न सक्छन् । ग्राहकले एनसेल एप तथा खल्ती, युनिपे, ईसेवा, प्रभु पे जस्ता डिजिटल वालेट सेवा प्रदायकहरु मार्फत पनि आफ्नो मनपर्ने प्याक सुचारु गर्न सक्नेछन् ।
एनसेल आजियाटाका चीफ कमर्सियल अफिसर प्रदीप श्रीवास्तवले ग्राहकका लागि सामाजिक सञ्जालमा सहजै पहुँच सुनिश्चित गराउन यी आकर्षक प्याकहरु ल्याइएको बताए । “सुलभ शुल्कमा आफ्नो प्राथमिकतामा रहेको सामाजिक सञ्जाल नन्स्टप प्रयोग गर्न पाइनुका साथै इन्टरनेटमा अन्य सामग्री हेर्न थप चार जीबी डेटा बोनसको सुविधाले ग्राहकहरुमाझ ठूलो महत्व राख्नेमा हामी विश्वस्त छौं ।”