नेपालमा सार्वजनिक हुँदै ५००० एमएएच ब्याट्रीसहित आकर्षक फीचर भएको भिभो वाई २०
भदौ १८, २०७७ २०:५२
काठमाडौं । भिभोले युवा पुस्तामाझ लोकप्रिय वाई सिरिज अन्तर्गत वाई ट्वान्टी नेपाली बजारमा सार्वजनिक गर्ने भएको छ । उत्कृष्ट प्रविधि र आकर्षण डिजाइनका साथ बजारमा उपलब्ध हुने फोनमा ५००० एमएएच क्षमताको ब्याट्री रहेको उल्लेख गरिएको छ ।
कम्पनीका अनुसार भिभो वाई ट्वान्टी पावर सेभिङ टेक्नोलोजी प्रयोग गरिएको छ । जसले गर्दा एक पटकको फुल चार्जमा प्रयोगकर्ताले लामो समय सम्म निरन्तर रुपमा मोबाइल प्रयोग गर्न पाउनेछन् ।
पातलो डिजाइनमा आएको फोनको साइडमा फ्रिगर प्रिन्ट स्क्यान राखिएको छ । जसको मद्दतले प्रयोगकर्ताले बिना कुनै झन्झट सेकन्डमै फोन खोल्न सकिने उल्लेख छ ।
स्मार्टफोन हलुका भएकाले प्रयोगकर्ताको हातका लागि प्रयोगमैत्री रहेको छ । दुई कलरमा बजारमा उपलब्ध हुने भएता पनि हालसम्म कुन कुन कलरमा भित्रिन्छ भन्ने विषयमा भने कम्पनीले कुनै जानकारी दिएको छैन् ।
कम्पनीका अनुसार स्मार्टफोनमा प्रयोग भएको क्यामेरा प्रविधिको मद्दतले प्रयोगतर्काले प्रोफेशनल फोटो ग्राफिको मज्जा लिन सक्ने छन् । जसका लागि फोनमा एआईमा आधारित रियर क्यामेरा प्रयोग गरिएको छ ।
जसमा म्याक्रो, बोके, लगाएतका धेरै फीचर रहेका छन् । ६.५१ इन्चको हालो डिस्प्लेका साथ विभन्नि प्रविधिको प्रयोगमार्फत फोनको स्क्रिनमा नयाँ आयाम प्रदान गरिएको कम्पनीले जनाएको कम्पनीका अनुसार जसले फिल्म हेर्दा तथा गेम खल्दा प्रयोगकर्ताले नयाँ अनुभव प्राप्त गर्नेछन् ।
३ जिबी र्याम र ६४ जिबी रोम क्षमता रहेको फोनलाई माइक्रोएसडी कार्डको मद्दतले २५६ जीबीसम्म क्षमता विस्तार गर्न सकिने छ । फोनमा क्वालकम स्न्यापड्रागन प्रोशेसरको प्रयोग गरिएको छ । जसको मद्दतले बिना कुनै रुकाउट लामो समयसम्म गेम खेल्न सकिने उल्लेख गरिएको छ ।
कम्पनीको अनुसार यो फोन अहिलको युवाको रुची प्रविधि र डिजाइनको मिश्रण हो । यसमा प्रयोग भएको ब्याट्री, क्यामेरा, प्रोसेसर र डिजाइन यो फोनको सबैभन्दा उत्कृष्ट पक्ष हो ।
यो फोनको बजार मूल्यको विषयमा कम्पनीले कुनै जानकारी भने दिएको छैन् । तर, पनि अन्तर्राष्ट्रिय बजारको मूल्यलाई हेर्ने हो भने २१ हजारको हाराहारीमा बजारमा उपलब्ध हुनसक्ने आकलन गर्न सकिन्छ ।
पछिल्लो अध्यावधिक: असोज २, २०७९ २२:३०
