‘युवाका लागि आईसीटी अवसर’ विषयमा वेबिनार हुँदै
असोज ९, २०७७ १५:४७
काठमाडौं । कोभिड महामारीको बेला युवाका लागि के कस्ता आईसीटी अवसर हुन सक्छन् भन्ने विषयमा शनिबार वेबिनार हुने भएको छ । सो वेबिनार क्यान महासंघ अन्तर्गतको आईसीटी फर युथ इमपावरमेन्ट कमिटिले आयोजना गर्न लागेको हो ।
वेबिनारमा वक्ताका रुपमा राष्ट्रिय युवा परिषदका उपाध्यक्ष माधवप्रसाद ढुंगेल, वर्ल्डलिंक कम्युनिकेशन्सका सीईओ केशव नेपाल र राम लक्ष्मण इन्नोभेसन्सका सहसंस्थापक रामप्रसाद रिमाल रहेका छन् ।
महामारीले हरेक क्षेत्रमा प्रभाव पारिरहेका बेला आईसीटी क्षेत्रमा भने धेरै अवसर सिर्जना भइरहेका छन् । परम्परागत कामलाई डिजिटल प्रणालीले विस्थापन गरिरहेको छ ।
यही सन्दर्भमा नेपालमा आईसीटी क्षेत्रको व्यवस्थापन गर्दै युवालाई यसमा कसरी समाहित गर्न सकिन्छ भन्ने विषयमा वेबिनारमा छलफल हुने आईसीटी फर युथ इमपावरमेन्ट कमिटिका काे-चेयर विशाल महतले बताए ।
पछिल्लो अध्यावधिक: असोज २, २०७९ २२:३०
