ट्रेन्डिङ:
पासवर्ड ह्याक हुँदा तुरुन्तै रिसेट गर्न सकिने, यस्तो छ क्रोमको नयाँ फिचर नासाका यी अद्भूत आविष्कार, जुन तपाईँले दैनिक प्रयोग गरिरहनु भएको छ एपबाट पैसा कमाउनेमा टिकटक सबैभन्दा अघि भारतका २३ लाख प्रयोगकर्ताको अकाउण्टलाई ह्वाट्सएपले लगायो प्रतिबन्ध भारतको महाराष्ट्रमा सरकारी कर्मचारीले फोनमा 'हेलो' होइन वन्दे मातरम भन्नुपर्ने अब टिकटकमा लाइभ शपिङ गर्न सकिने अन्ततः ट्वीटरमा आयो ट्वीट एडिट गर्न मिल्ने फिचर यसकारण ढिलो चार्ज हुन्छ मोबाइल, कतै तपाईंले गल्ती त गरिरहनु भएको छैन ? विन्डोज ११ मा नयाँ अपडेट, पासवर्ड असुरक्षित भए चेतावनी दिने मोबाइलबाटै यसरी बनाउनुहोस् दशैंको शुभकामना पोस्टर
close

पासवर्ड ह्याक हुँदा तुरुन्तै रिसेट गर्न सकिने, यस्तो छ क्रोमको नयाँ फिचर

टेकपाना टेकपाना

असोज २१, २०७७

पासवर्ड ह्याक हुँदा तुरुन्तै रिसेट गर्न सकिने, यस्तो छ क्रोमको नयाँ फिचर

काठमाडौं । तपाईंको स्मार्टफोनमा पक्कै पनि गुगल क्रोम वेब ब्राउजर छ ? यदि छ भने पासवर्ड ह्याक भएको अवस्थामा अब क्रोमले नै तपाईंलाई जानकारी दिनेछ । क्रोमको यस्तो फिचर यसअघि कम्प्युटरमा मात्रै उपलब्ध थियाे ।

गुगलका अनुसार अब याे फिचर एप्पलकाे आईफोन र एन्ड्रोइड अपरेटिङ सिस्टममा चल्ने स्मार्टफोनमा पनि उपलब्ध हुनेछ ।  

यस फिचर अन्तर्गत प्रयोगकर्ताको युजरनेम र पासवर्ड गुगलको सर्भरमा पुग्छ र त्यहाँ ब्रिच भएका डेटाका सूचीसँग तुलना गरेर कम्प्रोमाइज भएको छ वा छैन भनेर जाँच हुन्छ ।

तर गुगल आफैंले भने तपाईंको पासवर्ड र युजरनेम देख्न सक्दैन । यसले डेटा कम्प्रोमाइज भएको छ वा छैन भनेर जाँच्ने गर्दछ । 

क्रोम ८६ सार्वजनिक भएसँगै गुगलको पासवर्ड चेक फिचरलाई प्रयोग गर्न तपाईले पासवर्डलाई क्रोममै स्टोर गर्नुपर्छ ।

यो आइडिया थर्ड पार्टी पासवर्ड मेनेजर वान पासवर्ड र मोजिल्ला फायरफक्स, एप्पल सफारी र माइक्रोसफ्ट एज जस्ता वेब ब्राउजरमा पहिलेदेखि नै उपलब्ध छ । 

तर ब्राउजरकाे बजारमा क्रोमको वर्चस्व छ । ब्रेभ, सामसङ इन्टरनेट, ओपेरा र भिभाल्डा जस्ता ब्राउजरमा गुगलको ओपन सोर्स क्रोमियम ब्राउजर इ‌न्जिन रहने गर्दछ ।

यसर्थ गुगलको प्रभाव अहिले सिङ्गो वेबभर छ । तर गुगल ब्राउजर र एप्पलको प्राथमिकताबीच तनाव पैदा हुँदा यसले सिङ्गो प्राविधिक उद्योग र डेभलपरहरुबीच तनाव पैदा गरेको छ ।