फेसबुकको सुरक्षा कमजोरी पत्ता लाएर गौतमले हात पारे झण्डै एक लाख रुपैयाँ

काठमाडौं । नेपालका एक बग हन्टरले फेसबुकमा रहेको सुरक्षा कमजोरी पत्ता लगाएका छन् । काठमाडौंस्थित इस्लिङटन कलेजमा बिएस्सी (हन्स) कम्प्युटिङमा दोस्रो वर्षमा अध्ययनरत उज्जवल गौतमले फेसबुकको युजर प्राइभेसीसम्बन्धी बग पत्ता लगाएका हुन् ।

बग पत्ता लगाएसँगै गौतमले फेसबुकका तर्फबाट ७५० अमेरिकी डलर (८८ हजार नौ सय रूपैयाँ) प्राप्त गरेका छन् । गौतमका अनुसार फेसबुकले यो बगका लागि प्याच गर्न प्रयास गरिरहेको छ ।

‘पहिलो प्याच सफल नभएर बाइपास भइसकेको छ । अहिले दोस्रो चरणको प्याचका लागि फेसबुक टिमले काम गरिरहेकाे छ । त्यसैले बग बाउन्टीको रिवार्ड १२५० डलरसम्म पुग्नेछ,’ उनले भने ।

प्याचकै क्रममा रहेकाले अहिले बगबारे विस्तृत जानकारी दिन नमिल्ने उनले बताए । २० वर्षीय गौतम आफूलाई ह्याकरभन्दा पनि बग हन्टरको रुपमा चिनाउन चाहन्छन् । कलेजको पढाइका अलावा साइबर सेक्युरिटीमा रुचि राख्ने उनले मिडियम डटकममा ब्लग पढेर बाउन्टीमा लाग्न प्रेरित गरेको जनाए ।

उनको पहिलो बग रिपोर्टका कारण फेसबुकले नोभेम्बर १२ मा आफ्नो अफिसियल ह्वाइट ह्याट थ्याङ्स पेजमा गौतमको नाम सूचीकृत गरिसकेको छ ।

 

प्रतिक्रिया दिनुहोस्
Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5705254
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team