काठमाडौं । दैनिक आवश्यकताका खाद्य वस्तु डेलिभर गर्दै आइरहेको ईकमर्श प्लेटफर्म इन्फी स्टोरले आफ्नो प्रडक्ट रेन्जमा पुस्तक पनि थप गरेको छ ।
इन्फी स्टोरलाई पुस्तकहरुको ‘वान स्टप हब’ को रुपमा विकास गर्ने उद्देश्यले इन्फीले ‘इन्फी किताब कार्निभल’ को नयाँ अभियान थालनी गरेको छ ।
यस अभियानका लागि इन्फीले देशका विभिन्न भागका बुक स्टोरसँग सहकार्य गरेर पुस्तक बिक्रीका लागि उनीहरुलाई अनलाइन सेल्स प्लेटफर्म प्रदान गर्नेछ ।
इन्फीस्टोरबाट पुस्तक खरिद गर्ने ग्राहकहरुले पुस्तकमा ८० प्रतिशतसम्म छुट पाउनसक्ने बताइएको छ । इन्फीले देशभरका पुस्तक प्रेमीहरुका लागि पुस्तक डेलिभरी गर्ने र काठमाडौंमा यो डेलिभरी निःशुल्क हुने बताएको छ ।
साथै इन्फीले नेपालीहरुमा पुस्तक पठनको संस्कृति विकास गर्न यो अभियानलाई दीर्घकालीन उद्देश्य सहित वार्षिक रुपमा पनि सञ्चालन गर्ने बताएको छ ।
इन्फीले आफ्नो यो अभियान डिसेम्बर १ देखि १४ सम्म सञ्चालन गर्ने बताएको छ ।