close

प्रविधिका सेवा बेचेर नेपालले कमायो ६ अर्ब

टेकपाना टेकपाना

पुस ७, २०७७ १०:३६

प्रविधिका सेवा बेचेर नेपालले कमायो ६ अर्ब

काठमाडौं । प्रविधिसँग सम्बन्धित विभिन्न किसिमका सेवाहरु बिक्री गरेर नेपालले चार महिनामा करिब ६ अर्ब रुपैयाँ आम्दानी गरेको छ ।

नेपाल राष्ट्र बैंकले सार्वजनिक गरेको चालु आर्थिक बर्ष २०७७/७८ को पहिलो चौमासिकको तथ्यांक अनुसार नेपालले दूरसञ्चार, कम्प्यूटर र सूचनासँग सम्बन्धित सेवाहरु बिक्री गरेर ५ अर्ब ७० करोड रुपैयाँ आम्दानी गरेको हो ।

यद्यपि यो अघिल्लो आर्थिक बर्षको तुलनामा भने कम हो । गत आर्थिक बर्षको कात्तिकसम्म नेपालले यहीं शीर्षकमा ६ अर्ब ६१ करोड रुपैयाँ आम्दानी गरेको थियो ।

नेपालबाट यहीं शीर्षकमा विदेश पनि पैसा गएको देखिन्छ । चालु बर्षको कात्तिकसम्म नेपालबाट ६३ करोड रुपियाँ दूरसञ्चार, कम्प्यूटर तथा सूचना सेवाका लागि बाहिरिएको तथ्यांकले देखाउँछ ।

दूरसञ्चारमा खासगरी विदेशबाट नेपाल भित्रने कलबापत आम्दानी हुने गर्छ । कम्प्यूटर तथा सूचना सेवा अन्तर्गत खासगरी सफ्टवेयर निर्माणको कामबापत आउटसोर्सिङ्का रुपमा नेपालले आम्दानी गर्दै आएको छ ।

पछिल्लो अध्यावधिक: असोज २, २०७९ २२:३०