काठमाडौं । नेपाल टेलिकमको फाइबर टु दी होम (एफटीटीएच) सेवा ५५ जिल्लामा पुगेको छ ।
आफ्नो प्रगति विवरण सार्वजनिक गर्न सोमबार आयोजना गरिएको पत्रकार सम्मेलनमा टेलिकमका प्रवक्ता राजेश जोशीले ५५ जिल्लाका १०८ वटा स्थानीय तहका एक सय ३५ स्थानमा एफटीटीएच सेवा विस्तार भएको जानकारी दिए ।
उनका अनुसार पाँच लाख ६४ हजार ग्राहकका लागि नेटवर्क जडानको काम सकिएको छ भने हालसम्म एक लाख ८० हजार ग्राहकले सेवा लिइरहेका छन् ।
टेलिकमले यो आर्थिक वर्षलाई एफटीटीएच सेवा विस्तारको वर्षको रुपमा मनाउने घोषणा गरेको छ । एफटीटीएच सेवा विस्तारको लागि हालसम्म ११ लाख ७४ हजार घरधुरीका लागि डिजिटल म्यापिङको काम भइसकेको प्रवक्ता जोशीले जानकारी दिए ।