अब अनलाइन सञ्चार माध्यमले पनि लोक कल्याणकारी विज्ञापन पाउने
भदौ २५, २०७८ १८:१
काठमाडौं । अब सरकारले अनलाइन सञ्चार माध्यमलाई पनि लोक कल्याणकारी विज्ञापन उपलब्ध गराउने भएको । अर्थमन्त्री जनार्दन शर्मा ‘प्रभाकर’ ले शुक्रबार संघीय संसद्मा प्रस्तुत गरेको अर्थसम्बन्धी अध्यादेश प्रतिस्थापन गर्ने विधेयक मार्फत यस्तो घोषणा गरेका हुन् ।
‘लोक कल्याणकारी विज्ञापनको दायरा विस्तार गरी अनलाइन मिडियालाई पनि लोक कल्याणकारी विज्ञापन उपलब्ध गराउने व्यवस्था मिलाएको छ,’ प्रतिस्थापन विधेयक प्रस्तुत गर्दै अर्थमन्त्री शर्माले भने । यसअघि सरकारले वर्गीकरणमा परेका पत्रपत्रिकालाई मात्र यस किसिमको विज्ञापन उपलब्ध गराउँदै आएको थियो ।
पछिल्लो अध्यावधिक: असोज २, २०७९ २२:३५
