बजेट फोनका लागि नयाँ चिप ल्याउँदै क्वालकम, १४४ हर्जसम्मको रिफ्रेस रेट क्षमता रहने
भदौ २८, २०७८ २१:१७
काठमाडौं । चिप निर्माता कम्पनी क्वालकमले मिड रेञ्जमा हाई-इन्ड फिचरसहितको चिप ल्याउने भएको छ । त्यसमध्ये एउटा एसएम६३७५ (SM6375) रहेको छ, जुन चार फरक मोडलमा उपलब्ध हुने जनाइएको छ ।
यी चार मोडलका चिप सीपीयू र जीपीयू फ्रिक्वेन्सीका आधारमा मात्रै फरक हुनेछन् । विनफ्युचरकाे रिपाेर्ट अनुसार जीपीयू फ्रिक्वेन्सी ८०० देखि ९४० तथा ९६० मेगाहर्जमा रहेको छ, जुन चार गोल्ड कोर र चार सिल्भर कोरसहित कूल आठ कोरको हुनेछ ।
यी उत्पादन कम्पनीले हाल विभिन्न निर्माताको १४४ हर्ज रिफ्रेसमेन्टयुक्त डिस्प्ले प्लेटफर्ममा परीक्षण गरिरहेको जनाइएको छ ।
कम्पनीले यो नयाँ चिपसेटलाई आफ्नो कुन पोर्टफोलियोमा राख्ने छ भन्ने विषयमा भने हालसम्म केही खुलाएको छैन ।
पछिल्लो अध्यावधिक: असोज २, २०७९ २२:३१
