फाइभजी सपोर्टसहित आईप्याड मिनि सार्वजनिक
भदौ २९, २०७८ २३:२०
काठमाडौं । एप्पलले ८.३ इन्च स्क्रिन भएको आईप्याड मिनि सार्वजनिक गरेको छ ।
मंगलबार आयोजित लञ्च इभेन्टमा एप्पलले फाइभजी सपोर्टसहित नयाँ जेनेरेशनको आईप्याड मिनि सार्वजनिक गरेको हो । यसको टप बटनमा टच आईडी छ ।
कम्पनीले यसअघिका आईप्याड मिनिको तुलनामा सीपीयू र जीपीयू पर्फर्मेन्समा उल्लेख्य परिमार्जन गरेको दाबी गरेको छ ।
ए१३ बायोनिक चिपसेटद्धारा सञ्चालित आईप्याड मिनिमा यूएसबी-सी पोर्ट पनि रहेको छ ।
यसलाई तपाईले आफ्नो क्यामेरा, ल्यापटप र अन्य डिभाइसमा कनेक्ट गर्न सक्नुहुन्छ ।
यसको रियर क्यामेरा १२ मेगापिक्सेलको छ, जसले फोरके क्वालिटीमा भिडिओ रेकर्ड गर्न सक्छ ।
फ्रन्ट साइडमा पनि कम्पनीले १२ मेगापिक्सेलको अल्ट्रा वाइड क्यामेरा दिएको छ । यसको मूल्य ४९९ डलर निर्धारण गरिएको छ ।
पछिल्लो अध्यावधिक: असोज २, २०७९ २२:३१
