आत्महत्या सम्बन्धी ‘सर्च’ रोक्ने टिकटकको योजना

tiktok ban in Pakistan

काठमाडौं । मानसिक स्वास्थ्यसँग सामना गरिरहेका र आत्महत्यासम्बन्धी खोजी गर्ने प्रयोगकर्तालाई सहयोग गर्ने गरी टिकटकले आफ्नो योजना सार्वजनिक गरेको छ ।

टिकटकले आफ्नो ब्लगमार्फत सार्वजनिक गरेको योजनामा प्रयोगकर्ताको मानसिक स्वास्थ्यका लागि विभिन्न सहायता गर्ने उल्लेख छ ।

कुनै प्रयोगकर्ताले आत्महत्या शीर्षकमा कुनै खोज गरेमा उनीहरुलाई मानसिक स्वास्थ्यसम्बन्धी सहायता सामग्री देखाउने टिकटकको योजना छ ।

‘हामी हाम्रा प्रयोगकर्ताबारे सचेत छौं र उनीहरुको सहायताका लागि विभिन्न विकल्पको खोजीमा छाैं,’ टिकटकले आफ्नो ब्लगमा लेखेको छ ।

यो फिचर आगामी सातादेखि सबै प्रयोगकर्ताको लागि उपलब्ध हुने कम्पनीले जनाएको छ ।

उदाहरणका लागि टिकटकमा कसैले आत्महत्या (सुसाइड) भनेर सर्च गरेमा टिकटकले त्यस्ता प्रयोगकर्तालाई सम्बन्धित स्थानीय इमर्जेन्सी रेस्पोन्स टिमलाई जानकारी गराउने छ भने मानसिक स्वास्थ्यसम्बन्धी सामग्रीहरु देखाउनेछ ।

टिकटकजस्तै अन्य सामाजिक सञ्जाल कम्पनीहरुले पनि आफ्ना प्रयोगकर्ताको मानसिक स्वास्थ्यमा ध्यान राख्दै यस्ता फिचर सुरु गरिसकेका छन् ।

बेलायतको प्रिन्स ट्रष्ट र एजुकेशन पोलिसी इन्स्टिच्युटले गरेको एक अध्ययनका अनुसार अत्याधिक सामाजिक सञ्जालको प्रयोगका कारण किशोरकिशोरीहरुको मानसिक स्वास्थ्यमा गम्भीर असर परिरहेको छ ।

अत्याधिक सामाजिक सञ्जालको प्रयोगले मानिसहरु बेखुशी रहने र आत्मविश्वास गुमाउँदै जाने तथ्य अध्ययनले औंल्याएको थियो ।

त्यस्तै, उनीहरु निराशावादी बन्ने र डिप्रेशनको शिकार बन्ने गरेको तथ्य पनि अध्ययनले बाहिर ल्याएकाे थियो ।

यसअघि फेसबुक स्वामित्वको फोटो शेयरिङ प्लेटफर्म इन्स्टाग्रामले गरेको एक आन्तरिक अनुसन्धानले कुनै कुनै अवस्थामा किशोरकिशोरीहरुले आफ्नो प्लेटफर्म प्रयोग गर्दा उनीहरुको मानसिक स्वास्थ्यमा नकारात्मक असर गर्ने निष्कर्ष निकालेको थियो ।

इन्स्टाग्रामले आन्तरिक रुपमा अध्ययन गरी गोप्य राखेको यो निष्कर्ष वालस्ट्रिट जर्नलले सार्वजनिक गरेको छ ।

वालस्ट्रिट जर्नलको रिपोर्ट अनुसार इन्स्टाग्रामले आफ्नो एपको प्रयोगबाट युवा प्रयोगकर्तालाई हुने प्रभावको विषयमा अनुसन्धान गरेको थियो ।

यो अध्ययनबाट विशेषगरी किशोरीहरुमा दुई वर्षभन्दा बढी इन्स्टाग्राम प्रयोग गर्दा नकारात्मक असर गर्ने निष्कर्ष निकालिएको थियो ।  

प्रतिक्रिया दिनुहोस्
Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team