२०७९, ८ जेष्ठ आइतबार   |  
Sunday 22nd May 2022

क्याम्ब्रिज एनालिटिक्स घोटालामा आफ्नो नाम हटाउन जुकरबर्गले ६ खर्ब तिरेको खुलासा

facebook-mark-zuckerberg-techpana

काठमाडौं । क्याम्ब्रिज एनालिटिक्स घोटाला प्रकरणमा फेसबुकले अमेरिकाको संघीय व्यापार आयोगलाई ४.९ बिलियन डलर अर्थात पाँच खर्ब ७९ अर्ब तिरेको खुल्न आएको छ ।

फेसबुकले मालिक मार्क जुकरबर्गलाई उक्त घटनामा बचाउनका लागि सो रकम तिरेको अमेरिकी अदालतले जनाएको छ ।

संघीय व्यापार आयोगमा परेको उजुरीमा जुकरबर्गको नाम समावेश नगराउने गरी उक्त रकम तिरिएको हो ।

यसअघि सन २०१९ मा भएको क्याम्ब्रिज एनालिटिक्स डेटा ब्रिचको विषयलाई लिएर आयोगले फेसबुकलाई प्रयोगकर्ताको डेटा सुरक्षा गर्न नसकेको भन्दै कारबाही गरेको थियो .

उक्त घटनामा कम्पनीका सीईओ तथा मालिक जुकरबर्गको नाम समावेश नगर्ने शर्तमा थप रकम भुक्तानी गरिएको जनाइएको छ ।

यदि मार्क जुकरबर्गको नाम नै उक्त घटनामा समावेश भएको खण्डमा थप कारबाही हुनसक्ने देखिएपछि यस्तो गरिएको हुनसक्ने आँकलन गरिएको छ ।

त्यतिमात्रै नभएर जुकरबर्ग आफ्नो सामाजिक प्रतिष्ठाप्रति धेरै नै चिन्तित हुने भएकाले पनि कम्पनीले यो कदम चालेको हुनसक्ने जनाइएको छ ।

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team