ट्रेन्डिङ:
प्राधिकरणले तार काट्न सुरु गरेपछि धमाधम बन्द हुन थाल्यो इन्टरनेट सेवा विवरण भर्दा समेत राष्ट्रिय परिचयपत्र नम्बर पाउनु भएन ? यसो गर्नुहोस् २१ टन तौल भएको चिनियाँ रकेट नियन्त्रण बाहिर, शनिबारसम्म पृथ्वीमा खस्ने चेतावनी गुगल सर्चमा यस्ता कुरा नखोजेकै बेस यस्ता छन् गुगल सर्चमा थपिने आकर्षक ९ फिचर बन्द भयो चीनमा गुगल ट्रान्सलेट सेवा भिभोको सस्तो स्मार्टफोन नेपाली बजारमा, लगातार १९ घण्टा फिल्म हेर्न सकिने ८००० एमएएच ब्याट्री सहितको रेड्मीको ट्याबलेट सार्वजनिक, के के छन् विशेषता ? ओपेराले ल्यायो नयाँ क्रिप्टो ब्राउजर, क्रिप्टोकरेन्सी कारोबार गर्न सजिलो हुने बन्द भयो चीनमा गुगल ट्रान्सलेट सेवा
close

प्राधिकरणले तार काट्न सुरु गरेपछि धमाधम बन्द हुन थाल्यो इन्टरनेट सेवा

टेकपाना टेकपाना

असोज १६, २०७८

प्राधिकरणले तार काट्न सुरु गरेपछि धमाधम बन्द हुन थाल्यो इन्टरनेट सेवा

काठमाडौं । नेपाल विद्युत प्राधिकरणले निर्धारित मितिमा पोल भाडा नतिरेको भन्दै इन्टरनेट सेवाप्रदायकको केबल तार काट्न सुरु गरेको छ । इन्टरनेटको तार काट्न थालिएपछि कतिपय ठाउँमा इन्टरनेट सेवा नै अवरुद्ध भएको छ ।

यसैक्रममा प्राधिकरणको भरतपुरमा रहेको सबस्टेसन अगाडि रहेको पोलका इन्टरनेट तार समेत हटाइएका छन् । जसले गर्दा आफ्नो सम्पूर्ण इन्टरनेट सिस्टम नै डाउन भएको स्थानीय इन्टरनेट सेवाप्रदायक कम्पनी प्राइम नेटवर्कले जानकारी दिएको छ ।

कम्पनीका सञ्चालक शिव सुवेदीका अनुसार आफूहरूले पोल भाडा बुझाइसक्दा समेत प्राधिकरणका कर्मचारीले तार काटिदिएको बताए । ‘हामीले यस अघि नै पोल भाडा बुझाइसकेका छौँ,’ उनले भने, ‘तर अरुको तार काट्दा हाम्रो मुख्य लाइन नै चुँडालिएको छ ।’ प्राइम नेटवर्कको भरतपुर स्थित मुख्य सर्भरसँग जोडिएको तार नै काटिएपछि कम्पनीको सम्पूर्ण इन्टरनेट सेवा बन्द भएको छ ।

सुवेदीका अनुसार यसबाट बागलुङ, पर्वत, पोखरा, हेटौँडा, चितवन लगायतका क्षेत्रमा रहेको कम्पनीको सेवा अवरुद्ध भएको हो । प्राइम नेटवर्कसँगै ब्रोडलिङ्क र वेबसर्फरको समेत इन्टरनेट तार काटिएको छ ।

चितवनमा मात्र नभएर ताप्लेजुङ, धनगढी, बुटवल, लगायतका अन्य स्थानमा समेत इन्टरनेटको तार काटिएको इन्टरनेट सेवाप्रदायक संघ नेपालका अध्यक्ष सुधीर पराजुलीले बताए । ‘चितवनमा चाहिँ प्राधिकरणको ओपीजीडब्लू बाट निस्किएकै ठाउँमा तार काटिएको छ,’ उनले भने, ‘जसले गर्दा चितवन पुरै ब्ल्याकआउट नै भएको छ । प्राधिकरणले यस किसिमको दम्भ नरोकेसम्म हामी अवरुद्ध इन्टरनेट सेवा सुचारु गर्न सक्ने अवस्थामा छैनौँ ।’

इन्टरनेट मात्र नभएर चितवनमा राष्ट्रिय स्तरबाट गएको टेलिभिजन प्रसारण समेत बन्द भएको अध्यक्ष पराजुलीले बताए । ‘हामी समझदारीमा समस्या सुल्झाउने पक्षमा छौँ,’ उनले भने, ‘तर प्राधिकरण नेतृत्वले सम्वाद गर्नै चाहेको छैन । हामीले त्यसका लागि प्रयास गर्दा समेत बेवास्ता गरिएको छ ।’