नोकियाको सस्तो र राम्रो ट्याब्लेट ‘टी २०’ घोषणा, यस्तो छ मूल्य र फिचर

Nokia's T20 tablet is coming

काठमाडौं । कोरोना महामारी सुरु भएपछि वर्क फ्रम होम र अनलाइन क्लास नियमित अभ्यास बनेको छ । जसले गर्दा बजारमा ट्याब्लेटको माग बढेपछि नोकियाले समेत यसमा हात हालेको हो ।

नोकियाको मातृ कम्पनी एचएमडी ग्लोबलले बुधबार नोकिया टी २० ट्याब्लेट घोषणा गरेको छ । एन्ड्रोइडमा आधारित प्रारम्भिक तहको ट्याब्लेटको रुपमा आएको नोकिया टी २० को मूल्य २५० डलर अर्थात करिब ३० हजार रुपैयाँदेखि सुरु हुनेछ ।

सस्ता र राम्रा एन्ड्रोइड ट्याब्लेटसँग प्रतिस्पर्धा गर्न कम्पनीले आफ्नो नयाँ एन्ड्रोइड ट्याब्लेट ल्याउने भएको हो । टी २० एउटा यस्तो दोस्रो एन्ड्रोइड ट्याब्लेट हो, जसले नोकियाको ब्रान्ड प्रयोग गरेको छ ।

यसअघि फिनल्याण्डको कम्पनीले सन् २०१४ मा नोकिया ‘एनवान’ नामक ट्याब्लेट बजारमा ल्याएको थियो । १०.४ इन्चको टुके (2K) डिस्प्ले र ठूलो ब्याट्री राखिएको यो ट्याब्लेटबाट नोकियाले सात घण्टासम्मको भिडिओ कल गर्न सकिने दाबी गरेको छ ।

भिडिओ कलको कुरा गर्दा यसको अगाडि भागमा पाँच मेगापिक्सेलको क्यामेराको साथमा दुई ओटा माइक्रोफोन र स्टेरियो स्पिकर दिइएका छन् । त्यस्तै यसको पछाडि भागमा आठ मेगापिक्सेलको क्यामेरा छ ।

एन्ड्रोइड इलाभेनका साथ बजारमा आउने यो ट्याब्लेटमा नोकियाले दुई वर्षसम्म एन्ड्रोइड ओएस (अपरेटिङ सिस्टम) को अपडेट दिनेछ । यति मात्र होइन, तपाईंले यसमा तीन वर्षसम्म मासिक सेक्युरिटी अपडेट समेत पाउन सक्नुहुनेछ ।

यस्तो छ स्पेसिफिकेसनः

अपरेटिङः एन्ड्रोइड ११

प्रोसेसरः टी ६१० अक्टा-कोर प्रोसेसर

मेमोरीः ३जीबी/४जीबी

स्टोरेजः ३२ जीबी/६४ जीबी

डिस्प्लेः १०४ इन्च, १२००x२०००, ४०० निट्स

क्यामेराः ८ मेगापिक्सेल रियर, ५ मेगापिक्सेल फ्रन्ट,

ब्याट्रीः एमएएच,

पोर्ट्सः माइक्रोएसडी, यूएसबी-सी, ३.५ एमएम हेडफोन ज्याक

कनेक्टिभिटीः वाई-फाई ८०२.११ एसी, ब्लुटुथ ५.०, एलटीई

कलरः ओसियन ब्लु

डाइमेन्सनः २४७.६x१५७.५x७.८ एमएम, ४७० ग्राम

त्यस्ता व्यक्तिहरू जसले आफ्ना बालबालिकालाई आफ्नो ट्याब्लेट दिने गर्दछन्, उनीहरूको सहजताका लागि टी २० मा गुगल किड्स स्पेस समेत हुनेछ । यो फिचरले तपाईंलाई ट्याब्लेटमा आफ्ना बालबालिकाको गुगल अकाउन्ट सेटअप गर्न र किताब र भिडिओ सुझाउने अनुमति दिनेछ ।

गुगल फेम्ली लिङ्कको माध्यमबाट तपाईंले आफ्ना बालबालिकाको गुगल अकाउन्ट समेत व्यवस्थापन गर्न सक्नुहुनेछ । तर ख्याल राख्नुहोस्, यदि आफ्नो पेशागत प्रयोग वा कामको लागि हो भने यसले तपाईंको एप तथा सूचना राख्छ भन्ने कुरा नभुल्नुहोस् ।

त्यसैले सकेसम्म आफ्नो व्यक्तिगत प्रयोग वा कामसँग जोडिएको ट्याब्लेट बालबालिकालाई दिनु त्यति राम्रो भने होइन । नोकिया टी २० अमेरिकी बजारमा आगामी नोभेम्बर १७ देखि उपलब्ध हुनेछ । तर नेपाल लगायतका अन्य देशमा कहिलेसम्म उपलब्ध हुन्छ भन्ने कुरा अहिले नै यकिन भने भइसकेको छैन ।

प्रतिक्रिया दिनुहोस्
Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team