खसीको घाँटीमा क्वीआर कोड, सबै विवरण हेर्दै किन्न मिल्ने

काठमाडौं : क्वीआर कोडमा खसीको जन्मिँदाको तौल, माउको विवरण, विभिन्न उमेरमा खसीको तौल, स्वास्थ्य, औषधि र खोपका विवरण राखेर बिक्री गर्ने अभ्यास सुरु भएको छ । ज्ञानेश्वर युवा क्लबको अगुवाइमा काठमाडौंको ज्ञानेश्वर नारायण चौर पार्कमा क्वीआर कोड स्क्यान गरी खसी किन्न मिल्ने सुविधा सुरु गरिएको हो ।

कृषिको बजारीकरणको लागि काम गरिरहेको हेफर इन्टरनेसनल नेपाल र एग्रीक्लियरको सहकार्यमा खसी बाख्राको विवरणलाई ब्लक चेन प्रविधि प्रयोग गरी अभिलेख राख्ने नमुना परियोजना सुरु भएको हो ।

परियोजना अन्तर्गत लेकबेशी सामाजिक उद्यमी महिला सहकारी संस्था लिमिटेड नवलपुरका महिला उद्यमीले हुर्काएको खसीहरू ब्लक चेन प्रणालीमा समावेश गरिएको हो ।

यो प्रणालीमा आधिकारिक कृषक, भेटेरिनरी तथा सहकारीका प्रतिनिधिले विवरण भर्ने अनुमति पाउने हेफर इन्टरनेशनलले जनाएको छ । यसमा राखिएको विवरण परिवर्तन गर्न नमिल्ने बताइएको छ ।

कृषकले बेचेको समयको उमेर र तौल पनि प्रणालीमा दर्ता हुने भएकाले उपभोक्ताले खसी किन्ने बेलामा सही सूचना प्राप्त गर्न सक्ने हेफर इन्टरनेशनलले जनाएको छ ।

प्रतिक्रिया दिनुहोस्
Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team